वैभववाडीतील मार्केटमध्ये मटका घेणारे दोघे ताब्यात

वैभववाडीतील मार्केटमध्ये
मटका घेणारे दोघे ताब्यात

सकाळ वृत्तसेवा
वैभववाडी, ता. ९ ः येथील मासळी मार्केट परिसरात मटका स्विकारताना पोलिसांनी दोघांना ताब्यात घेतले. संतोष नाना मेस्त्री (वय ६१ रा. नरडवे, ता. कणकवली) आणि रफिक काझी (रा. वैभववाडी) अशी त्यांची नावे आहेत. त्यांच्याकडुन १ हजार ६९० रूपयांची रक्कम पोलिसांनी जप्त केली. ही कारवाई सोमवारी (ता.८) रात्री पावणे दहाच्या सुमारास मासळी मार्केट परिसरात करण्यात आली. पोलिस निरीक्षक मनोज सोनवलकर यांच्या मार्गदर्शनाखाली पोलिस कर्मचारी उद्धव साबळे, सुरज पाटील, श्री. बाईत यांनी ही कारवाई केली.