-सागर जाधव यांना युवा प्रेरणा पुरस्कार जाहीर

- rat११p१३.jpg
२५O०९९३९
साखरपा : सागर जाधव
---
सागर जाधव यांना युवा प्रेरणा पुरस्कार
सकाळ वृत्तसेवा
साखरपा, ता. ११ : कनकाडी (ता. संगमेश्वर) येथील युवा चित्रकार सागर जाधव यांना युवा प्रेरणा पुरस्कार जाहीर झाला आहे. साखरपा विभाग पत्रकारांकडून हा पुरस्कार देण्यात येतो.
साखरपा पंचक्रोशीतीलच कला, क्रीडा, साहित्य, इतिहास सामाजिक अशा इत्यादी क्षेत्रात वेगळा ठसा उमटवलेल्या युवकाचा पुरस्कार देऊन गौरव केला जातो. याचे वितरण ६ जानेवारीला केले जाणार आहे. देवरूख महाविद्यालयातून जाधव यांनी कला शाखेतून पदवी घेतली असून, सध्या ते मुंबई येथील वसंतदादा पाटील महाविद्यालयातून बीएफएचे तृतीय वर्षाचे शिक्षण घेत आहेत. त्यांनी आजवर जलरंग, अ‍ॅक्रालिक रंग, ऑइल रंग यात काम केले आहे तसेच कॅन्व्हास, ऑइल पेपर, हँडमेड पेपर आदी माध्यमांवर त्यांनी काम केले आहे. आर्ट्स गॅलरीमध्ये झालेल्या प्रदर्शनात त्यांच्या निसर्गचित्रांची निवड झाली होती. केडी आर्ट नॅशनल कॉम्पिटिशनमध्ये त्यांना सुवर्णपदक मिळाले आहे. राज्यस्तरीय पोस्टर मेकिंग स्पर्धेतही त्यांना सुवर्णपदक मिळाले आहे. मुंबई विद्यापीठाच्या राष्ट्रीय संघात युवा महोत्सवासाठी त्यांची निवड झाली होती. सागर जाधव यांची चित्रे अमेरिका आणि इंग्लंड येथे विकली गेली आहेत.