''परुळेबाजार''च्या उपक्रमांची उभादांडा टिमकडून पाहणी

swt1111.jpg
09991
परुळेबाजार ः उभादांडा ग्रामपंचायत सदस्य व शेतकरी बचत गटाने येथील ग्रामपंचायतीस भेट दिली.

‘परुळेबाजार’च्या उपक्रमांची
उभादांडा टिमकडून पाहणी
सकाळ वृत्तसेवा
म्हापण, ता. ११ः वेंगुर्ले तालुक्यातील ग्रामपंचायत उभादांडा येथील ग्रामपंचायत कार्यकारिणी तसेच शेतकरी महिला बचतगट प्रतिनिधी व कर्मचारी यांच्या टिमने परुळेबाजार ग्रामपंचायतीला भेट देत विविध उपक्रमांची माहिती घेतली. यावेळी माजी सभापती जयप्रकाश चमणकर, सरपंच नीलेश चमणकर, उपसरपंच, सदस्य यांसह शेतकरी, ग्रामस्थ, महिला बचतगट प्रतिनिधी, कर्मचारी, कोकण कला मंडळाच्या श्रीमती मांजरेकर आदी उपस्थित होते.
यावेळी परुळेबाजार ग्रामपंचायतीच्या वतीने माजी सरपंच तथा सदस्य प्रदीप प्रभू यांनी समितीचे स्वागत केले. ग्रामपंचायत अधिकारी शरद शिंदे यांनी परुळेबाजार ग्रामपंचायतीने राबविलेल्या वेगवेगळ्या उपक्रमांची माहिती दिली. यामध्ये काथ्या युनिट, तालुका प्लास्टिक संकलन युनिट, वॉटर एटीएम, सांडपाणी प्रक्रिया युनिट यांची सविस्तर माहिती यावेळी देण्यात आली. उपस्थित टिमने उपक्रमांची पाहणी केली. यावेळी चिपी येथिल सिंधुदुर्ग विमानतळ पाहणी देखील करून याबाबत माहिती घेतली. परुळे बाजार ग्रामपंचायतीच्या उपक्रमांचे उभादांडा टिमने ग्रामपंचायतीचे कौतुक केले.