विजयकुमार मराठेंचे विचार प्रेरणादायी

swt1118.jpg
10038
तळकटः येथे विजयकुमार मराठे यांना श्रद्धांजली वाहण्यासाठी आयोजित शोकसभेत शरदचंद्र गवस यांनी मार्गदर्शन केले. सोबत सचिन सुतार, रंगनाथ गवस, एम. डी. धुरी व रामदास मणेरीकर.

विजयकुमार मराठेंचे
विचार प्रेरणादायी
तळकट येथे शोकसभेचे आयोजन
सकाळ वृत्तसेवा
कोलझर, ता. ११ ः माजी भाजपाध्यक्ष, जिल्हा फळबागायतदार संघाचे अध्यक्ष तथा राष्ट्रीय स्वयंसेवक संघाचे तृतीय वर्ष शिक्षित विजयकुमार मराठे यांचे राजकीय, सामाजिक आणि सांस्कृतीक कार्य उत्तुंग असे आहे. त्यांचे आचार-विचार आजच्या पिढीला मार्गदर्शक आणि प्रेरणादायी असेच आहेत. त्यांच्या जाण्याने सामाजिक, राजकीय क्षेत्रात मोठी पोकळी निर्माण झाली असली तरी त्यांचे कार्य असेच अबाधित सुरू ठेऊया. हीच त्यांना खरी श्रध्दांजली ठरेल, अशा शब्दांत तळकट येथे त्यांना श्रध्दांजली वाहण्यात आली.
राष्ट्रीय स्वयंसेवक संघ, तळकट मंडळाच्या वतीने तळकट शाळा नं. १ मध्ये श्री. मराठे यांना श्रद्धांजली वाहण्यासाठी शोकसभा घेण्यात आली. यावेळी राष्ट्रीय स्वयंसेवक संघाचे तालुका कार्यवाह सचिन सुतार, स्वयंसेवक रामदास मणेरीकर, शरदचंद्र गवस, नवनाथ सावंत, तळकट मंडळ प्रमुख श्रीपाद गाडगीळ, भाजपचे रंगनाथ गवस, तळकटचे माजी सरपंच तथा मुख्याध्यापक एम.डी. धुरी, सिद्धेश देसाई, शिरिष नाईक, महेश गवस, प्रकाश गवस, समीर गवस, सत्यवान देसाई, आनंद देसाई, अनंत देसाई, नीळकंठ सावंत उपस्थित होते.