चिंचघर रेवेचीवाडी येथे घरफोडी

चिंचघरमधील बंद घर फोडले
दागिन्यांसह ७६ हजाराच्या ऐवजावर चोरट्याचा डल्ला
सकाळ वृत्तसेवा
खेड, ता. ११ : तालुक्यातील चिंचघर- रेवेचीवाडी येथील एका घरात प्रवेश करून चोरट्याने ७० हजार रुपयांच्या सोन्याच्या दागिन्यांसह सहा हजार रोकड घेऊन पोबारा केला आहे. ही घटना २ ते ८ डिसेंबर या कालावधीत सकाळी ११ हे सायंकाळी ५ वाजण्याच्या मुदतीत घडली आहे.
घरमालक फिर्यादी गणेश सखाराम सुर्वे (वय ५०, रा. चिंचघर रेवेचीवाडी, ता. खेड ) यांनी येथील पोलिस ठाण्यात दिलेल्या फिर्यादीनुसार, पोलिसांनी अनोळखीविरोधात गुन्हा दाखल केला आहे. खेड पोलिसांकडून मिळालेल्या माहितीनुसार, फिर्यादी सुर्वे यांच्या घरातील बेडरू‌मच्या पूर्व दिशेला असलेल्या खिडकीची काच सरकवून चोरट्याने घरात प्रवेश केला. चोरट्याने घरातील लोखंडी कपाटात साड्यांच्या कप्प्यात ठेवलेली लॉकरची चावी घेऊन लॉकर उघडून त्यामध्ये ठेवलेली सहा हजाराची रोकड आणि ७० हजार रुपयांचे सोन्याचे दागिने असा एकूण ७६ हजार रुपयांचा ऐवज चोरून पोबारा केला आहे. अधिक तपास येथील पोलिस करत आहेत.

--