स्पर्धांमधून राष्ट्रीय खेळाडू निर्माण होतील

swt1122.jpg
10075
तळेरेः क्रीडा स्पर्धेच्या उद्घाटनप्रसंगी उपस्थित रवींद्र जठार, दिलीप तळेकर, प्रकाश पारकर, रामचंद्र नारकर, संजय पवार, राजेश जाधव व इतर मान्यवर. (छायाचित्र ः एन. पावसकर)

स्पर्धांमधून राष्ट्रीय खेळाडू निर्माण होतील
दिलीप तळेकरः तळेरे प्रशालेत प्रभागस्तरीय क्रीडा महोत्सव
सकाळ वृत्तसेवा
तळेरे, ता. ११ : सिंधुदुर्ग जिल्हा परिषद प्राथमिक शिक्षण विभागाच्या वतीने विद्यार्थ्यांच्या सुप्त कलागुणांना वाव देण्यासाठी स्पर्धा भरविण्यात येतात. या स्पर्धांमधून उद्याचे राष्ट्रीय खेळाडू निर्माण होतील, असे उद्गार कणकवली पंचायत समितीचे माजी सभापती दिलीप तळेकर यांनी तळेरे प्रभागस्तरीय बाल, कला, क्रीडा, ज्ञानी मी होणार समूहगान, समूहनृत्य महोत्सव उद्घाटन कार्यक्रमात बोलताना काढले.
खारेपाटण, शेर्पे, साळिस्ते व कासार्डे या चार केंद्रांतील शाळांचा सहभाग असलेला प्रभागस्तरीय क्रीडा स्पर्धा महोत्सव आज तळेरे हायस्कूलच्या भव्य प्रांगणावर तळेकर यांच्या अध्यक्षतेखाली झाला. क्रीडा महोत्सवाचे उद्घाटन जिल्हा परिषद माजी वित्त व बांधकाम सभापती रवींद्र उर्फ बाळा जठार यांच्या हस्ते दीपप्रज्वलन करून करण्यात आले.
या कार्यक्रमाला माजी जिल्हा परिषद सदस्य प्रकाश पारकर, तळेरे सरपंच हनुमंत तळेकर, उपसरपंच संदीप घाडी, कुरंगवणे सरपंच संतोष ब्रम्हदंडे, तळेरे हायस्कूल शाळा व्यवस्थापन समिती अध्यक्ष अरविंद महाडिक, जिल्हा परिषद प्राथमिक शाळा क्र.१ शाळा व्यवस्थापन समिती अध्यक्ष राजेश जाधव, खारेपाटण केंद्रशाळा क्र.१ शाळा व्यवस्थापन समिती माजी अध्यक्ष संतोष पाटणकर, तळेरे प्रभाग शिक्षण विस्तार अधिकारी रामचंद्र नारकर, तळेरे हायस्कूल मुख्याध्यापक अविनाश मांजरेकर, बीट मुख्याध्यापक महेंद्र पावसकर, साळिस्ते व खारेपाटण केंद्रप्रमुख गोपाल जाधव, कासार्डे व शेर्पे केंद्रप्रमुख संजय पवार, खारेपाटण केंद्रशाळेचे मुख्याध्यापक प्रदीप श्रावणकर, पपी वरुणकर, पोलिसपाटील चंद्रकांत कांबळे आदी मान्यवर उपस्थित होते.
क्रीडाज्योत तळेकर यांच्या हस्ते प्रज्वलित करून संपूर्ण मैदानावर फिरविण्यात आली. सर्व विद्यार्थी व शिक्षकांना सामूहिक क्रीडा प्रतिज्ञा देण्यात आली. क्रीडांगणाचे उद्घाटन श्री. पारकर यांच्या हस्ते श्रीफळ वाढवून करण्यात आले. क्रीडाप्रमुख श्रीराम विभुते, उपक्रीडाप्रमुख संतोष कुडाळकर यांनी काम पहिले. आनंद तांबे यांनी आभार मानले.