क्राईम

आगरनरळ येथे दोन ट्रकचा अपघात
सकाळ वृत्तसेवा
रत्नागिरी, ता. ११ ः तालुक्यातील निवळी ते जयगड रस्त्यावर आगरनरळ येथे बंद स्थितीत पार्क करून ठेवलेल्या ट्रकला दुसऱ्या ट्रकने पाठीमागून धडक दिली. संशयित ट्रकचालकाविरुद्ध जयगड पोलिस ठाण्यात गुन्हा दाखल करण्यात आला आहे. अरमान सरवल अली (वय २८, रा. गणेशनगर, तुर्भे नाका, पो. सानपाडा. जि. ठाणे) असे संशयित ट्रकचालकाचे नाव आहे. ही घटना बुधवारी (ता. १०) सायंकाळी निवळी ते जयगड जाणाऱ्या रस्त्यावर आगरनरळ येथील एका हॉटेलसमोर घडली. पोलिसांकडून मिळालेल्या माहितीनुसार, फिर्यादी उदय मनोहर कुलकर्णी (वय ३८, रा. विनायक निवास, शिवराज ढाब्यामागे कुमठे फाटा, कोरेगाव, जि. सातारा) यांनी ट्रक आगरनरळ रस्त्यावर बंद स्थितीत ठेवला होता. संशयित अरमान अली याने ट्रक निवळी ते जयगड जाणाऱ्या रस्त्यावर निष्काळजीपणे ट्रक चालवून आगरनरळ येथील हॉटेलच्या समोर बंद स्थितीत असलेल्या ट्रकला पाठीमागून धडक दिली. या अपघातामध्ये दोन्ही वाहनांचे नुकसान झाले. या प्रकरणी फिर्यादी उदय कुलकर्णी यांनी जयगड पोलिस ठाण्यात तक्रार दिली.