बँक ऑफ इंडियाच्या ६० व्या शाखेचे गावतळे येथे उद्घाटन

-rat११p४७.jpg-
P२५O१००७८
गावतळे : बॅंक ऑफ इंडियाच्या ६०व्या शाखेचे गावतळे येथे उद्‍घाटन करताना झोनल मॅनेजर नरेंद्र देवरे. सोबत अंजनी कुमार सिंह आज़ाद, दर्शन कानसे आदी.
-------
बँक ऑफ इंडियाच्या
शाखेचे गावतळेत उद्‍घाटन
सकाळ वृत्तसेवा
रत्नागिरी, ता. ११ : रत्नागिरी जिल्ह्याची अग्रणी बँक असलेल्या बँक ऑफ इंडियाच्या रत्नागिरी जिल्ह्यातील ६०व्या शाखेचे उद्‍घाटन गावतळे येथे बँक ऑफ इंडिया रत्नागिरी झोनल व्यवस्थापक नरेंद्र देवरे यांच्या हस्ते झाले.
नवीन शाखेचा मुख्य उद्देश ग्रामीण व अस्पर्शित बँकिंग क्षेत्रांना गुणवत्तापूर्ण बँकिंग सेवेशी जोडणे हा असून, वित्तीय सेवा प्रभावीपणे प्रत्येक नागरिकांपर्यंत पोहोचवणे, हे आमचे ध्येय आहे तसेच नागरिकांनी बँकेच्या विविध योजनांचा लाभ घ्यावा आणि शाखेच्या पुढील प्रगतीत सहकार्य करावे, असेही देवरे यांनी आवाहन केले. डेप्युटी झोनल मॅनेजर अंजनी कुमार सिंह आजाद, अग्रणी जिल्हा व्यवस्थापक दर्शन कानसे, बँक ऑफ इंडिया ऑफिसर्स असोसिएशन पुणे युनिटचे महासचिव प्रमोद शिंदे, अध्यक्ष अमोल सांगळे, बँक ऑफ इंडिया स्टाफ युनियन पुणे युनिटचे महासचिव शिरीष राणे, अध्यक्ष विनोद कदम प्रमुख उपस्थित होते. तसेच गावतळेचे उपसरपंच नामदेव पवार, पोलिस पाटील विशाल म्हाब्दी, तंटामुक्ती अध्यक्ष वसंत पवार आदी उपस्थित होते. शाखा व्यवस्थापक हरेश बांगरे यांनी सूत्रसंचालन केले.