पावस-हर्चेतील अनिकेत मयेकर यांच्या स्टेथोस्कोपला प्रथम पुरस्कार

rat14p24.jpg-
10690
मुंबई ः मराठा मंदिर साहित्य शाखेतर्फे स्टेथोस्कोप या पुस्तकाला प्रथम पुरस्कार मिळाल्याबद्दल हर्चे येथील डॉ. अनिकेत मयेकर यांना गौरविताना साहित्यिक डॉ. गजानन पुरुषोत्तम कोंडके.
-----------
हर्चेतील अनिकेत मयेकर यांच्या
स्टेथोस्कोपला प्रथम पुरस्कार
पावस, ता. १४ ः मराठी साहित्यविश्वात आपला ठसा उमटवणाऱ्या मराठा मंदिर साहित्य शाखेचा बहुमान सोहळा मुंबईतील मराठा मंदिरच्या सभागृहात झाला. नवोदित साहित्यिकांना प्रोत्साहन देण्यासाठी आयोजित केलेल्या या सोहळ्यात रत्नागिरी तालुक्यातील हर्चे येथील डॉ. अनिकेत मयेकर यांच्या ‘स्टेथोस्कोप’ या पुस्तकाला ललित लेखन विभागात प्रथम पुरस्कार देऊन गौरिवण्यात आले.
‘स्टेथोस्कोप’ हे मयेकर यांचे पहिले प्रकाशित साहित्य असून या साहित्यकृतीला पुरस्कार मिळाल्याने मराठी साहित्य विश्वात त्यांचे अभिनंदन होत आहे. कार्यक्रमाला ज्येष्ठ नामवंत शास्त्रज्ञ व साहित्यिक डॉ. गजानन पुरुषोत्तम फोंडके उपस्थित होते. सन २०२४ मध्ये ज्यांनी आपल्या प्रथम प्रकाशित पुस्तकाने मराठी वाङ्मय दालनात पदार्पण केले, अशा निवडक लेखकांना या सोहळ्यात मराठा मंदिर साहित्य शाखेतर्फे पारितोषिके प्रदान करण्यात आली. तसेच इतर सर्व साहित्य सेवकांना त्यांच्या मराठी साहित्यातील योगदानाबद्दल सन्मानचिन्ह देऊन गौरविण्यात आले.