खालगावमध्ये दारु विक्रीवर छापा

खालगावमध्ये
दारु विक्रीवर छापा
रत्नागिरीः तालुक्यातील खालगाव-गोताडवाडी येथे विनापरवाना हातभट्टी दारु विक्रीवर पोलिसांनी कारवाई केली. या कारवाईत ५०५ रुपयांची ५ लिटर दारु जप्त केली. ग्रामीण पोलिसात संशयिताविरुद्ध गुन्हा दाखल केला आहे. महादेव रामा खोल्ये (वय ६३, रा. मधली गोताडवाडी, रत्नागिरी) असे संशयिताचे नाव आहे. ही घटना शनिवारी (ता. १३) खालगाव मधली गोताडवाडी येथे निदर्शनास आली. पोलिसांनी केलेल्या कारवाई संशयिताकडे विनापरवाना ५०५ रुपयांची पाच लिटर दारु सापडली. या प्रकरणी महिला पोलिस हेड कॉन्स्टेबल योगिता नाटुस्कर यांनी ग्रामीण पोलिसात तक्रार दिली. तक्रारीवरुन पोलिसांनी संशयित वृद्धाविरुद्ध गुन्हा दाखल केला आहे.
------------
बेशुद्धावस्थेतील
महिलेचा मृत्यू
रत्नागिरी ः बेशुद्धावस्थेतील महिलेला उपचारासाठी जिल्हा शासकीय रुग्णालयात दाखल केले होते. तेथील वैद्यकीय अधिकाऱ्यांनी त्यांना तपासून मृत घोषित केले. संगीता रमेशचंद्र केसरकर (वय ५२, रा. अरीहंत नगर, साळवी स्टॉप, रत्नागिरी) असे मृत महिलेचे नाव आहे. ही घटना शनिवारी (ता. १३) दुपारी पावणेदोनच्या सुमारास जिल्हा रुग्णालयात घडली. पोलिसांकडून मिळालेल्या माहितीनुसार मृत संगीता केसरकर यांना २० वर्षापासून थायरॉईड व ब्लडप्रेशरचा आजार होता. शुक्रवारी रात्रीपासून त्यांना अस्वस्थ वाटत होते. मध्यरात्री त्या बेशुद्ध पडल्या. त्यांना उपचारासाठी खासगी रुग्णालयात दाखल केले होते. अधिक उपचारासाठी जिल्हा रुग्णालयात दाखल केले असता तेथील वैद्यकीय अधिकाऱ्यांनी त्यांना तपासून मृत घोषित केले.