खारेपाटण हायस्कूलमध्ये ''पोक्सो'' कायद्याचे धडे

swt158.jpg
10799
खारेपाटण ः समुपदेशन कार्यक्रमास उपस्थित विद्यार्थी वर्ग.

खारेपाटण हायस्कूलमध्ये
‘पोक्सो’ कायद्याचे धडे
सकाळ वृत्तसेवा
तळेरे, ता. १५ : खारेपाटण हायस्कूल येथे बाल लैंगिक शोषण कायदा (पोक्सो), बालक-पालक समस्या आणि व्यसनाधीनता व सायबर क्राईम या सामाजिक विषयांवर कार्यशाळा झाली. ‘स्पंदन’ या सामाजिक संस्थेच्या माध्यमातून सिंधुदुर्ग जिल्ह्यातील किशोरवयीन मुलांसाठी संस्थेच्या संचालिका, महिला बाल कल्याण समिती सिंधुदुर्गच्या सदस्या तथा बालविशेष सहायता कक्ष कुडाळच्या समुपदेशक नम्रता नेवगी यांच्या माध्यमातून या कार्यक्रमाचे आयोजन करण्यात आले.
बालकांच्या मूलभूत गरजापेक्षा आता समाजात वाढणारी व्यसनाधिनता व बालकांचे होणारे लैंगिक शोषण याबाबत त्यांना शिक्षण देणे आवश्यक आहे. बालकांचे संरक्षण करणे ही आपली सर्वांची जबाबदारी असल्याचे प्रतिपादन यावेळी नेवगी यांनी केले. प्रशालेच्या वतीने नम्रता नेवगी यांचे पर्यवेक्षक संतोष राऊत यांनी पुष्पगुच्छ देऊन स्वागत केले. यावेळी व्यासपीठावर सहायक शिक्षक सुबोध देसाई, सहायक शिक्षिका महिंद्र उपस्थित होत्या. ज्युनियर कॉलेज विभागातील प्रा. देसाई यांच्या संकल्पनेतून व सहकार्यातून या कार्यशाळेचे आयोजन केले होते.