बुद्धिबळाच्या पठावर विद्यार्थ्यांचा ठसा
10807
बुद्धिबळाच्या पठावर विद्यार्थ्यांचा ठसा
मुक्ताई अकादमी; विविध स्पर्धांमध्ये चमकदार कामगिरी
सकाळ वृत्तसेवा
सावंतवाडी, ता. १५ ः येथील मुक्ताई अकादमीच्या विद्यार्थ्यांनी जिल्हास्तरीय तसेच राज्य आणि राष्ट्रीय स्तरावरील विविध बुद्धिबळ स्पर्धांमध्ये सहभाग घेऊन उत्कृष्ट कामगिरी करत अनेक पारितोषिके पटकावली. अकादमीचे अध्यक्ष आणि बुद्धिबळ प्रशिक्षक कौस्तुभ पेडणेकर यांच्या मार्गदर्शनाखाली गेली दहा वर्षे अकादमीच्या शेकडो विद्यार्थ्यांनी सातत्याने शालेय आणि असोसिएशनच्या जिल्हा, राज्य आणि राष्ट्रीय स्तरावरील स्पर्धांमध्ये आपला ठसा उमटवला आहे.
स्पर्धांमधील निकाल असा ः बेळगाव येथील सतीश अण्णा राष्ट्रीय रॅपिड रेटिंग बुद्धिबळ स्पर्धेत १८०० रेटिंगच्या गटात बाळकृष्ण पेडणेकर पाचवा, अनरेटेड गटात हर्ष राऊळ पाचवा, व्हिज्युअली चॅलेंज गटात मयुरेश परुळेकर पाचवा, १४ वर्षाखालील मुलींच्या गटात भुमि कामत अकरावी व साक्षी रामदुरकर पंधरावी, १२ वर्षांखालील मुलांच्या गटात यश सावंत दहावा व अथर्व वेंगुर्लेकर बारावा, १० वर्षांखालील मुलांच्या गटात पुर्वांक कोचरेकर दहावा, मेंगलोर येथील आरसीसी आंतरराष्ट्रीय ब्लिट्ज रेटिंग बुद्धिबळ स्पर्धेत १८०० रेटिंगच्या गटात बाळकृष्ण पेडणेकर तिसरा, शिमोगा-कर्नाटक येथील राष्ट्रीय रॅपिड रेटिंग बुद्धिबळ स्पर्धेत १६ वर्षांखालील गटात तनिष तेंडोलकर तिसरा, १२ वर्षाखालील गटात हर्ष राऊळ चौथा, ८ वर्षाखालील गटात विघ्नेश अंबापूरकर तिसरा, कोल्हापूर विभागीय बुद्धिबळ स्पर्धेत १० वर्षांखालील मुलांच्या गटात पुर्वांक कोचरेकर पहिला, संदीप चौकेकर यांच्या वाढदिवसाप्रित्यर्थ सावंतवाडी येथे आयोजित जिल्हास्तरीय बुद्धिबळ स्पर्धेत मोठ्या गटात बाळकृष्ण पेडणेकर दुसरा व मयुरेश परुळेकर आठवा, १६ वर्षाखालील गटात अथर्व वेंगुर्लेकर पाचवा व चिदानंद रेडकर सातवा, मुलींच्या गटात गार्गी सावंत पहिली व भुमि कामत दुसरी, सावंतवाडीतील उत्कृष्ट खेळाडूच्या गटात विराज दळवी पहिला, हर्ष राऊळ दुसरा, पार्थ गावकर तिसरा, पुर्वांक कोचरेकर याला विशेष पारितोषिक, खारेपाटण येथील जिल्हास्तरीय बुद्धिबळ स्पर्धेत मुख्य गटात पुष्कर केळूसकर दहावा, १७ वर्षांखालील गटात तनिष तेंडोलकर पहिला, १४ वर्षाखालील गटात अथर्व वेंगुर्लेकर दुसरा व योगी लेले चौथा, ११ वर्षाखालील गटात लिएण्डर पिंटो पहिला, ९ वर्षाखालील गटात विघ्नेश अंबापूरकर पहिला व पुर्वांक कोचरेकर चौथा, हर्ष राऊळ, स्वरुप राऊळ यांना विशेष पारितोषिक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.