एलटीटी स्कूलमध्ये
आज विविध कार्यक्रम
खेड, ता. १५ : शहरात कार्यरत असलेल्या एल. टी. टी. इंग्लिश स्कूल व ज्युनिअर कॉलेजमध्ये सुवर्ण महोत्सवी वर्षानिमित्त शैक्षणिक, सामाजिक व सांस्कृतिक अशा विविध कार्यक्रमांचे आयोजन केले आहे. १५ ऑगस्ट १९७६ ला या शैक्षणिक संस्थेची स्थापना झाली. २०२५ ला शाळेने ५० वर्षांचा प्रवास पूर्ण केला आहे.
या सुवर्ण महोत्सवी वर्षाच्या कालावधीत शाळेच्यावतीने विद्यार्थ्यांच्या सर्वांगीण विकासावर भर देत विविध उपक्रम राबवण्यात येत आहेत. यामध्ये आंतरशालेय स्पर्धांचे आयोजन, सामाजिक जाणीव निर्माण करणारे सोशल सर्व्हिस कॅम्प तसेच विविध शैक्षणिक उपक्रमांचा समावेश आहे. विद्यार्थ्यांचा मोठ्या प्रमाणावर सहभाग लाभत असून, हे कार्यक्रम शाळेच्या शैक्षणिक परंपरेला अधिक बळ देणारे ठरत आहेत.
या सुवर्ण महोत्सवी उपक्रमांतर्गत आयोजित करण्यात आलेल्या खाद्य महोत्सवाला विशेष प्रतिसाद मिळाला. या महोत्सवामध्ये तीन हजारांहून अधिक विद्यार्थ्यांनी सहभाग नोंदवला. सुवर्ण महोत्सवी कार्यक्रमांचे आयोजन प्रशालेच्या नवीन जागेत केले आहे. खेड शहरालगत असणाऱ्या क्षेत्रफळ नगरजवळील प्रशस्त पटांगणात हे सर्व कार्यक्रम होत आहेत. मंगळवारी (ता. १६) भव्य ‘ग्रँड फिनाले’ कार्यक्रम होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.