छंदोत्सवअंतर्गत क्रीडा महोत्सवाचे शानदार उद्घाटन

-rat१५p१३.jpg-
P२५O१०७८५
रत्नागिरी : छंदोत्सवांतर्गत क्रीडा महोत्सवात जिल्हा क्रीडा कार्यकारी अधिकारी ऐश्वर्या सावंत यांचा सत्कार करताना अॅड. विजय साखळकर. डावीकडून डॉ. चंद्रशेखर केळकर, आनंद देसाई, डॉ. मकरंद साखळकर, श्रीकांत दुदगीकर व सुनील गोसावी.
--
‘छंदोत्सव’ने क्रीडामय वातावरण
जवाहर क्रीडांगणावर महोत्सवाची सुरुवात
सकाळ वृत्तसेवा
रत्नागिरी, ता. १५ : अभ्यंकर- कुलकर्णी कनिष्ठ महाविद्यालयात ‘छंदोत्सव’ अंतर्गत वार्षिक क्रीडा महोत्सवाचे उद्‍घाटन जवाहर क्रीडांगणावर जिल्हा क्रीडा कार्यकारी अधिकारी ऐश्वर्या सावंत यांच्या हस्ते झाले.
या वेळी र. ए. सोसायटीचे उपकार्याध्यक्ष ॲड. विजय साखळकर यांच्या हस्ते ऐश्वर्या सावंत यांचा सत्कार करण्यात आला. या वेळी सहकार्यवाह श्रीकांत दुदगीकर, शालेय समिती अध्यक्ष आनंद देसाई, जिमखाना अध्यक्ष डॉ. चंद्रशेखर केळकर, आजीव सभासद मंडळाचे अध्यक्ष प्रा. महेश नाईक, प्राचार्य डॉ. मकरंद साखळकर, उपप्राचार्य सुनील गोसावी, पर्यवेक्षक विद्याधर केळकर, छंदोत्सव प्रमुख मकरंद दामले, डॉ. कल्पना आठल्ये, डॉ. विवेक भिडे, प्रा. लीना घाडीगावकर व राकेश मालप उपस्थित होते.
ॲड. साखळकर यांनी जिद्द व परिश्रमाने विद्यार्थ्यांनी त्यांच्या आवडीच्या खेळामध्ये प्रावीण्य संपादन केले पाहिजे, अशी अपेक्षा व्यक्त केली.

चौकट १
हे होणार सामने
मान्यवरांच्या हस्ते रस्सीखेचचा उद्‍घाटनाचा प्रदर्शनीय सामना अकरावी वाणिज्य आणि अकरावी विज्ञान या दोन संघात झाला. क्रिकेट, रस्सीखेच, व्हॉलीबॉल, फुटबॉल, कबड्डी, १००, ४००, ८०० व १५०० मीटर धावणे, रिले ४×४००, गोळाफेक, बॅडमिंटन, टेबलटेनिस, कॅरम व बुद्धिबळ अशा विविध खेळांमध्ये विद्यार्थी सहभागी होणार आहेत.