''सप्तशक्ती संगम'' कार्यक्रम वसंत शिशू वाटिकेत उत्साहात

swt1521.jpg
10865
सावंतवाडीः ‘सप्तशक्ती संगम’ कार्यक्रमात कर्तबगार मातांचा सन्मान करण्यात आला.

‘सप्तशक्ती संगम’ कार्यक्रम
वसंत शिशू वाटिकेत उत्साहात
सकाळ वृत्तसेवा
सावंतवाडी, ता. १५ः येथील वसंत शिशू वाटिकेत राष्ट्रीय स्वयंसेवक संघाच्या शताब्दी वर्षानिमित्त विद्याभारती कोकण प्रांत, सिंधुदुर्ग शाखेच्या वतीने आयोजित ‘सप्तशक्ती संगम’ कार्यक्रम उत्साहात झाला. ‘विद्याभारती’च्या कार्यक्रमाच्या प्रमुख वक्त्या भावना गवळी यांनी कीर्ती, धन, वाणी, स्मृती, धृती, मेधा आणि क्षमा या स्त्रीच्या अंगी असलेल्या सप्तशक्तींचे महत्त्व विशद केले. या सप्तशक्तींच्या आधारानेच प्रत्येक स्त्री आपले कुटुंब, समाज आणि राष्ट्र सुसंस्कृत करण्याचा प्रयत्न करते, असे मत त्यांनी मांडले. या कार्यक्रमात कर्तबगार ठरलेल्या सुनीती लेले, रोहिणी चव्हाण, तृप्ती वारंग या तीन मातांचा सन्मानपत्र, पुस्तक व शेवंतीचे रोप भेट देऊन सत्कार करण्यात आला. ​मान्यवरांचा परिचय आणि स्वागत सप्तशक्ती जिल्हा सहसंयोजिका योगिता कवठणकर यांनी केले.
प्रास्ताविक डॉ. रश्मी कार्लेकर यांनी, सोनाली चुनेकर यांनी सूत्रसंचालन केले. कार्यक्रमात संगीत साथ भावना सिद्धये (हार्मोनियम), दुर्गा लोके (तबला) यांनी दिली. ​सिंधुदुर्ग सप्तशक्ती संगमच्या संयोजिका धनश्री देऊसकर यांनी आभार व्यक्त केले. कार्यक्रमाची सांगता सामूहिक संकल्प करून करण्यात आला. ​यावेळी पल्लवी आपटे, डॉ. मेधा फणसळकर, केंद्रप्रमुख संस्नेहा लंगवे देऊसकर, सहसंयोजिका योगिता कवठणकर, मानसी वाटवे, सिंधू लोके, स्नेहा फणसळकर, उमा टिळवे, शिशुवाटिकेच्या आचार्या विजया रामाणे आदींसह माता उपस्थित होत्या.