एमईएस कॉलेज ऑफ नर्सिंगमध्ये रक्तदान शिबिर

‘एमईएस नर्सिंग’मध्ये रक्तदान शिबिर
सकाळ वृत्तसेवा
चिपळूण, ता. १५ ः रोट्रॅक्ट क्लब ऑफ एमईएस कॉलेज ऑफ नर्सिंग व एचडीएफसी बँकेच्या चिपळूण शाखेतर्फे १३ डिसेंबरला एमईएस कॉलेज ऑफ नर्सिंग येथे रक्तदान शिबिर घेण्यात आले. शिबिराचे उद्‍घाटन शाखाधिकारी कौशल प्रजापती, एमईएस कॉलेज ऑफ नर्सिंगचे प्राचार्य मिलिंद काळे, वालावलकर रुग्णालयाच्या रक्तपेढीचे प्रमुख डॉ. झुंजरवाड व डॉ. वीणा कानडे यांच्या हस्ते झाले. तन्वी दाभोळकर हिने रक्तदानाविषयी सविस्तर माहिती दिली. रक्तदानाचे फायदे, रक्तदानासाठी आवश्यक अटी तसेच रक्तदानानंतर घ्यावयाची काळजी या विषयी तिने मार्गदर्शन केले. तिच्या माहितीपूर्ण सादरीकरणामुळे उपस्थितांमध्ये रक्तदानाबाबत सकारात्मक दृष्टिकोन निर्माण झाला. या शिबिरात एकूण ४५ रक्तपिशव्या यशस्वीपणे संकलित करण्यात आल्या.