कोलगाव ग्रामपंचायतीच्या इमारतीचे आज भूमिपूजन

कोलगाव ग्रामपंचायतीच्या
इमारतीचे आज भूमिपूजन

सकाळ वृत्तसेवा
​सावंतवाडी, ता. १७ ः कोलगाव येथील ग्रामपंचायत कार्यालयाच्या नूतन इमारतीचे बांधकाम आणि श्री देवी सातेरी व श्री देव कलेश्वर मंदिर परिसराच्या सुशोभीकरणाचा भूमिपूजन समारंभ उद्या (ता. १८) सकाळी ९ वाजता होणार आहे. ​
भाजपचे प्रदेशाध्यक्ष रवींद्र चव्हाण, खासदार नारायण राणे आणि सिंधुदुर्गचे पालकमंत्री नीतेश राणे यांच्या विशेष प्रयत्नातून कोलगावच्या विकासासाठी भरीव निधी मंजूर झाला आहे. यामध्ये मंदिर परिसर पर्यटन सुशोभीकरणासाठी १ कोटी रुपये आणि ग्रामसचिवालय बांधकामासाठी २० लाख रुपये अशा एकूण १ कोटी २० लाखांच्या कामांना मंजुरी मिळाली आहे. ​या विकासकामांचे भूमिपूजन भाजपचे सिंधुदुर्ग जिल्हा सरचिटणीस महेश सारंग यांच्या हस्ते होणार आहे. यावेळी कोलगावचे सरपंच संतोष राऊळ, उपसरपंच दिनेश सारंग आणि ग्रामपंचायत सदस्य उपस्थित राहणार आहेत. ​या सोहळ्यास सर्व ग्रामस्थांनी मोठ्या संख्येने उपस्थित राहावे, असे आवाहन कोलगाव ग्रामपंचायतीने केले आहे.