नामस्मरणातून जीवनात परमार्थ साधा

11433

नामस्मरणातून जीवनात परमार्थ साधा

श्रीकृष्ण घाटे ः देवगडमध्ये पेन्शनर स्नेहमेळावा उत्साहात

सकाळ वृत्तसेवा
देवगड, ता. १७ : माणसाचा आधी जन्म होतो आणि मग त्याला नाव मिळते. जीवनात नामस्मरणला खूप महत्त्व आहे. यासाठी संतांच्या मार्गाने जायला हवे. जीवनात परमार्थ करायला हवा, असे मत श्रीकृष्ण घाटे यांनी येथे व्यक्त केले. मी कोण आहे, कशाकरिता आलो आणि कुठे जाणार, या प्रश्नांची उत्तरे शोधणे म्हणजे अध्यात्म, असेही त्यांनी यावेळी सांगितले.
येथील तालुका पेन्शनर्स असोसिएशनच्यावतीने पेन्शनर्स डे व स्नेहमेळावा तसेच वार्षिक सभेचे आयोजन केले होते. त्यावेळी घाटे बोलत होते. मंचावर अध्यक्ष राजेंद्र हिंदळेकर, सचिव विलास करंजेकर, उपाध्यक्ष चंद्रकांत शिंगाडे, खजिनदार भास्कर खाडीलकर, सुरेश सोनटक्के, संजीव राऊत आदी उपस्थित होते.
घाटे यांनी, अध्यात्म आणि मानवी जीवन तसेच जीवनाच्या यशस्वीतेसाठी संतांची शिकवण याविषयीची माहिती दिली. हिंदळेकर यांनी, पेन्शनरांनी ऑनलाईन फसवणूक आणि त्यापासून सुरक्षा कशी बाळगावी, याबाबत आवाहन केले. कार्यक्रमाचे औचित्य साधून ७५ वर्षांवरील ज्येष्ठ नागरिकांचा सन्मान करण्यात आला. यामध्ये महेश्वर लेले, मोहन कोळंबकर, चंद्रकांत कदम, लता चौगुले, सहदेव कांबळे, साबाजी कांबळे, कृष्णकांत मेस्त्री, महादेव ढोके, नंदू पाटील, सुलभा पाटील, पुरुषोत्तम कार्लेकर आदींचा समावेश होता.
प्रमुख मार्गदर्शक श्रीकृष्ण घाटे यांचाही सन्मान करण्यात आला. श्री. कदम, श्री. मेस्त्री, विमल बलवान यांनी मनोगत व्यक्त केले. यावेळी विलास रुमडे, राजेंद्र राणे, शांताराम कर्णिक, दत्तात्रय किरकिरे, राजन मोंडकर, विकास दीक्षित, डी. बी. बलवान यांच्यासह सुमारे ६० पेन्शनर्स उपस्थित होते. संजीव राऊत यांनी सूत्रसंचालन केले. तुळशीदास डामरी यांनी आभार मानले.