अॅड. राजीव बिले यांना ''कोकणरत्न'' पदवी प्रदान

swt183.jpg
11516
मुंबईः स्वतंत्र कोकणराज्य अभियानांतर्गत ॲड. राजीव बिले यांना कोकणरत्न पदवी प्रदान करताना मान्यवर.

अॅड. राजीव बिले यांना
‘कोकणरत्न’ पदवी प्रदान
सकाळ वृत्तसेवा
कुडाळ, ता. १८ ः येथील प्रख्यात वकील राजीव बिले यांना स्वतंत्र कोकणराज्य अभियानांतर्गत कोकणरत्न पदवी प्रदान करण्यात आली. हा पदवी प्रदान सोहळा मुंबई येथील आझाद मैदान मराठी पत्रकार भवन येथे झाला.
यावेळी स्वतंत्र कोकणराज्य अभियानचे संस्थापक अध्यक्ष संजय कोकरे, सचिन कळझुनकर, मुंबई अध्यक्ष धनंजय कुवेसकर, सचिन गावडे, राजेंद्र सुर्वे, अजित गोरुले, बापू परब, मुकेश जय, निहार कोकरे, अनिकेत चव्हाण आदी मान्यवर उपस्थित होते. ॲड. बिले गेली अनेक वर्षे सिंधुदुर्ग जिल्ह्यात विविध सामाजिक व आंतरराष्ट्रीय सेवाभावी संस्थेत कार्यरत आहेत. अंधश्रध्दा निर्मूलन समिती सिंधुदुर्गचे अध्यक्ष, रोटरी क्लब ऑफ कुडाळचे संस्थापक अध्यक्ष व रोटरी सेवाप्रतिष्ठान कुडाळचे अध्यक्ष आहेत. त्यांच्या सामाजिक कार्याची दखल घेत त्यांना कोकणरत्न पदवी प्रदान करण्यात आली.