बॅ. खर्डेकरांचे आदर्श गुण आत्मसात करा

swt1813.jpg
11576
वेंगुर्ले ः वक्तृत्व स्पर्धेच्या उद्घाटप्रसंगी मार्गदर्शन करताना प्रा. डी. बी. गोस्वामी. व्यासपीठावर इतर मान्यवर.

बॅ. खर्डेकरांचे आदर्श गुण आत्मसात करा
प्रा. डी. बी. गोस्वामीः वेंगुर्ले महाविद्यालयात वक्तृत्व स्पर्धेस प्रतिसाद
सकाळ वृत्तसेवा
वेंगुर्ले, ता. १८ः विद्यार्थ्यांनी व्यक्तिमत्त्व विकासासाठी बॅ. बाळासाहेब खर्डेकर यांचे आदर्श गुण आत्मसात करावेत, असे प्रतिपादन वक्तृत्व स्पर्धेच्या उद्घाटनप्रसंगी प्राचार्य डॉ. डी. बी. गोस्वामी यांनी केले.
बॅ. बाळासाहेब खर्डेकर यांच्या स्मृतिदिनानिमित्त बॅ. बाळासाहेब खर्डेकर महाविद्यालयाच्या इंग्रजी विभागातर्फे महाविद्यालयीन विद्यार्थ्यांसाठी इंग्रजी भाषेतील वक्तृत्व स्पर्धेचे आयोजन करण्यात आले होते. या स्पर्धेत विद्यार्थ्यांनी उत्स्फूर्त सहभाग नोंदविला. या उपक्रमासाठी संस्था प्रतिनिधी सचिव प्रा. जयकुमार देसाई, अध्यक्ष शिवानी देसाई, चेअरमन डॉ. मंजिरी मोरे-देसाई, पेट्रन कौन्सिल सदस्य दौलतराव देसाई तसेच प्रशासनाधिकारी पृथ्वी अजित मोरे यांनी शुभेच्छा दिल्या. कार्यक्रमाच्या उद्घाटनप्रसंगी महाविद्यालयाचे प्रा. गोस्वामी यांनी स्पर्धकांना मार्गदर्शन केले.
यावेळी नॅक समन्वयक प्रा. एस. एच. माने यांनी वक्तृत्व स्पर्धेमुळे विद्यार्थ्यांच्या व्यक्तिमत्त्वात सकारात्मक बदल घडतो, असे मत मांडले. या स्पर्धेत प्रथम वर्ष कला विभागातील स्वरा गंगावणे हिने प्रथम क्रमांक पटकावला. वेदश्री चव्हाण (बारावी, विज्ञान) हिने द्वितीय, तृतीय वर्ष वाणिज्य विभागातील विधी नाईक याने तृतीय क्रमांक पटकावला. मुग्धा गावडे व पार्थ कोळंबकर हे विद्यार्थी उत्तेजनार्थ पारितोषिकाचे मानकरी ठरले.
या वक्तृत्व स्पर्धेसाठी परीक्षक म्हणून डॉ. धनश्री पाटील, प्रा. प्रियांका प्रभू व प्रा. राम चव्हाण यांनी काम पाहिले. प्रास्ताविक इंग्रजी विभागप्रमुख डॉ. मनीषा मुजुमदार यांनी करून स्पर्धेचा उद्देश स्पष्ट केला. प्रा. शर्वरी कांबळी यांनी सूत्रसंचालन केले, तर प्रा. डॉ. संदीप वर्पे यांनी आभार मानले.