रत्नागिरीच्या सौम्या मुकादम, प्रतिक पुजारी, श्रिजा सलपे यांना सुवर्णपदक

-rat१९p२५.jpg-
P२५O११८९०
रत्नागिरी : बंगळुरू येथे आयोजित हिमालया योग राष्ट्रीय अजिंक्यपद स्पर्धेतील विजेते सौम्या मुकादम, समर्थ कोरगावकर, राधिका पेडणेकर, प्रतीक पुजारी, श्रेया तारे, रत्नेश आडिवरेकर, सोहम बंडबे आणि श्रीजा सलपे.
----
सौम्या, प्रतीक, श्रीजा यांना सुवर्णपदक
हिमालया योग राष्ट्रीय अजिंक्यपद स्पर्धा ; बंगळुरूमध्ये आयोजन
सकाळ वृत्तसेवा
रत्नागिरी, ता. १९ : बंगळुरू येथे झालेल्या हिमालया योग राष्ट्रीय अजिंक्यपद स्पर्धेत रत्नागिरीतील सौम्या मुकादम, प्रतीक पुजारी, श्रीजा सलपे यांनी सुवर्णपदक पटकावले. योगामध्ये रत्नागिरीने आतापर्यंत कमावलेल्या नावलौकिकात या तिघांनी आणखी भर घातली आहे. एस-व्यासा म्हणजेच स्वामी विवेकानंद योग संस्थान (बेंगलोर) या संस्थेची ही स्पर्धा बेंगलोर येथे नुकतीच झाली. स्पर्धेत १५ राज्यांचे संघ सहभागी झाले.
महाराष्ट्र संघामध्ये रत्नागिरीतील सौम्या मुकादम, समर्थ कोरगावकर, राधिका पेडणेकर, प्रतीक पुजारी, श्रेया तारे, रत्नेश आडिवरेकर, सोहम बंडबे आणि श्रीजा सलपे या आठ जणांचा समावेश होता. १४ ते १७ वयोगटात खेळत सौम्या मुकादम हिने मुलींमध्ये तर प्रतीक पुजारी याने मुलांमध्ये सुवर्णपदक मिळवले. सौम्या ही जीजीपीएस गुरूकुलमध्ये शिकत आहे तर प्रतीक पुजारी हा शिर्के हायस्कूलचा विद्यार्थी आहे. श्रीजा सलपे यांनाही सुवर्णपदक मिळाले आहे. त्या महावितरणमध्ये कार्यरत आहेत. या स्पर्धेमध्ये ९ ते १३ या वयोगटात समर्थ कोरगावकर (जीजीपीएस गुरूकुल), श्रेया तारे (एसव्हीएम्), सोहम बंडबे व राधिका पेडणेकर (रा. भा. शिर्के प्रशाला) यांनी रौप्य तर रत्नेश आडिवरेकर (अभ्यंकर- कुलकर्णी ज्युनिअर कॉलेज) याने कास्यपदक मिळवले. या सर्वांना शिवयोगा क्लासेसचे दूर्वांकुर चाळके यांनी प्रशिक्षण दिले.

चौकट १
चार पद्धतीने मूल्यांकन
या स्पर्धेत खेळाडूंना वेगवेगळ्या चाचणीतून जावे लागते. स्पर्धेचे मूल्यांकन आसने, मुद्रा, क्रिया आणि लेखी परीक्षा या प्रकारांनी केले जाते. खेळाडूने मिळवलेले गुण त्या त्या राज्याच्या नावावर जमा होतात आणि ज्या राज्याने जास्त गुण, त्यांना चॅम्पियन ऑफ चॅम्पियन्स ट्रॉफी मिळते. यावर्षी ही ट्रॉफी महाराष्ट्र संघाने मिळवली आहे.