राजापूरमध्ये हायस्कूलमध्ये संगणक प्रोग्रामिंगचे धडे

राजापूर हायस्कूलमध्ये ‘संगणक प्रोग्रामिंग’चे धडे
राजापूर, ता. २० ः एकविसावे शतक हे संगणकाचे असून, लहान मुलांना संगणक प्रोग्रॅमिंग म्हणजे काय? याची माहिती मिळावी व संगणक प्रोग्रॅमची जाण वाढावी, या उद्देशाने संगणकतज्ज्ञ संजीव सप्रे यांच्या पुढाकाराने राजापूर हायस्कूलमध्ये माय राजापूर या संस्थेच्यावतीने आयोजित नावीन्यपूर्ण उपक्रमामध्ये मराठी व इंग्रजी माध्यम शाळेमधील चाळीसहून अधिक विद्यार्थ्यांनी सहभागी होत संगणक प्रोग्रामिंगचे धडे गिरवले.
संगणकतज्ज्ञ सप्रे यांनी विद्यार्थ्यांना मार्गदर्शन करताना संगणक प्रोग्रॅमिंग म्हणजे काय, याबाबत मार्गदर्शन केले. या वेळी राजापूर शिक्षण प्रसारक मंडळाचे कार्यवाह प्रकाश भावे, राजापूर हायस्कूलचे मुख्याध्यापक जगदीश भालशंकर, माय राजापूर अध्यक्ष जगदीश पवार, उपाध्यक्ष संजय मांडवकर, सचिव संदीप देशपांडे, सदस्य नित्यानंद पाटील, प्रदीप कोळेकर, हृषिकेश कोळेकर, नरेश दसवंत, सुधा चव्हाण, समीर देशपांडे, दत्तप्रसाद सिनकर आदी उपस्थित होते.