जांभेकर विद्यालयात प्लास्टिक मुक्त शाळा अभियानाचा प्रारंभ

-rat२०p६.jpg-
२५O११९९७
रत्नागिरी : गोदूताई जांभेकर विद्यालयात प्लास्टिकमुक्त शाळा अभियानाच्या उद्‍घाटनप्रसंगी बोलताना धनाजी वाघमोडे. सोबत राजेश कांबळे, दिव्यता नागवेकर आदी.
-----
शाळेतून प्लास्टिकमुक्त समाजाकडे
जांभेकर विद्यालयात अभियान ; पालकांचाही सहभाग
सकाळ वृत्तसेवा
रत्नागिरी, ता. २० : सौ. गोदूताई जांभेकर विद्यालयात शासनाच्यावतीने राष्ट्रसंत गाडगेबाबा यांच्या पुण्यतिथीनिमित्त प्लास्टिकमुक्त शाळा अभियानाची सुरुवात आजपासून करण्यात आली. अभियानाच्या माध्यमातून शाळेतील विद्यार्थी, शिक्षक व कर्मचारी प्लास्टिकमुक्त शाळेच्या संकल्पाकडे सकारात्मक पावले टाकत असून, पर्यावरण संवर्धनाचा संदेश समाजापर्यंत पोहोचवण्यात येत आहे.
कार्यक्रमाच्या अध्यक्षस्थानी प्रशालेचे ज्येष्ठ शिक्षक राजेश कांबळे उपस्थित होते. आजपासून पुढील सात दिवस या अभियानाअंतर्गत शाळेमध्ये विविध जनजागृतीपर कार्यक्रमांचे आयोजन करण्यात आले आहे. विद्यार्थ्यांमध्ये प्लास्टिक वापराचे दुष्परिणाम समजावून सांगणे, पर्यावरण संरक्षणाबाबत जागरूकता निर्माण करणे हा या अभियानाचा मुख्य उद्देश आहे.
शिक्षिका दिव्यता नागवेकर यांनी प्लास्टिकमुक्त शाळा अभियानाचा उद्देश स्पष्ट केला. शिक्षक धनाजी वाघमोडे यांनी प्लास्टिक म्हणजे काय व त्याचे पर्यावरणावर होणारे दुष्परिणाम या विषयावर मार्गदर्शन केले. सातवीची विद्यार्थिनी अक्षरा खामकर हिने प्लास्टिक प्रदूषण– एक जागतिक समस्या या विषयावर भाषण केले. सातवीचा विद्यार्थी साईराज मडके याने प्लास्टिकमुक्त जीवनशैलीकडे वाटचाल या विषयावर विचार व्यक्त केले. पाचवीची नमिता सागवेकर हिने प्लास्टिक आणि आरोग्य या विषयावर भाषण सादर केले. प्रशालेतील विद्यार्थ्यांच्या पालकांना प्लास्टिकमुक्त शाळा अभियान या संदर्भात सूचनापत्र देण्यात आली व पालकांनी सूचनांचे पालन करावे, असे आवाहन करण्यात आले.