रेल्वेच्या प्रलंबित प्रश्नांना गती देणार
12889
रेल्वेच्या प्रलंबित प्रश्नांना गती देणार
संघर्ष समिती ः पालकमंत्र्यांचे लक्ष वेधणार
सकाळ वृत्तसेवा
सिंधुदुर्गनगरी, ता. २३ ः जिल्ह्यात रेल्वे प्रवाशांच्या समस्यांचा डोंगर कायम असतानाही तब्बल ३५ गाड्यांना अद्याप जिल्ह्यातील स्थानकांवर थांबा मिळालेला नाही. दुपदरीकरण, प्रकल्पग्रस्तांच्या नोकरीचे प्रश्न, रेल्वे स्थानकाकडे जाणाऱ्या रस्त्यांची दुरवस्था आणि मूलभूत सुविधांचा अभाव यामुळे प्रवाशांचा संयम सुटत असून या प्रलंबित प्रश्नांना गती देण्यासाठी माजी रेल्वेमंत्री सुरेश प्रभू, खासदार नारायण राणे व पालकमंत्री नीतेश राणे यांची भेट घेऊन या समस्यांकडे लक्ष वेधण्याचा निर्णय कोकण रेल्वे प्रवासी समन्वय व संघर्ष समितीने घेतला आहे.
येथील एमआयटीएम कॉलेजच्या सभागृहात रेल्वे प्रवासी समन्वय समितीची बैठक झाली. यात सावंतवाडी रेल्वे टर्मिनसच्या मंजुरीबाबत कोकण रेल्वे कॉर्पोरेशनच्या वरिष्ठ अधिकाऱ्यांशी संपर्क साधून सद्यस्थिती जाणून घेण्याचा निर्णय घेण्यात आला.
या बैठकीस समितीचे अध्यक्ष प्रकाश पावसकर, सचिव अजय मयेकर, सहसचिव साईनाथ आंबेरकर, खजिनदार स्वप्निल गावडे, समन्वयक ॲड. नंदन वेंगुर्लेकर, उपाध्यक्ष परशुराम परब, सिंधुदुर्ग स्टेशन अध्यक्ष आप्पा मांजरेकर, उपाध्यक्ष लता खोत यांच्यासह शुभम परब, सुनील पाटकर (पोलिस पाटील, दाबाचीवाडी), विशाल मसुरकर, संजय वालावलकर, शिशुपाल राणे, अशोक परब, राजन भोसले उपस्थित होते. तसेच एमआयटीएम इंजिनिअरिंग कॉलेजचे संस्थापक विनोद कदम, माधुरी वेंगुर्लेकर, कृषी महाविद्यालय किर्लोसचे प्राचार्य सिद्धेश भेंडे, कणकवली रेल्वे स्थानक अध्यक्ष सुरेश सावंत, हरिभाऊ भिसे, महानंद चव्हाण, अणावचे सरपंच लीलाधर अणावकर, पंडित माने, चंदू सावंत, विलास पालव, राजू राऊळ आदी उपस्थित होते.
----
मूलभूत सुविधांसाठी पाठपुरावा करणार!
जिल्ह्यातील सर्व रेल्वे स्थानकांकडे जाणाऱ्या रस्त्यांचा प्रश्न, कोकण रेल्वेतील प्रकल्पग्रस्तांना कायमस्वरूपी नोकरीत सामावून घेणे, स्थानकांवरील बंद कॅन्टिन सुरू करणे, लांब पल्ल्याच्या गाड्यांना जिल्ह्यात थांबा मिळवून देणे, राजापूर ते मडुरादरम्यान दुहेरी रेल्वेमार्गास मंजुरी तसेच वैभववाडी-कोल्हापूर नवीन रेल्वे महामार्गाबाबत बैठकीत चर्चा झाली. प्रत्येक रेल्वे स्थानकावर बैठक व्यवस्था, पिण्याचे पाणी, स्वच्छतागृहे आदी मूलभूत सुविधांचा अभाव असून त्या तातडीने उपलब्ध करण्यासाठी लोकप्रतिनिधींकडे पाठपुरावा करण्याचे ठरविले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.