परुळे युवक मंडळाला मशीन भेट

14602
परुळे युवक मंडळाला मशीन भेट
म्हापण, ता. ३१ ः परुळे गावात १९८५ पासून सामाजिक क्षेत्रात कार्यरत असलेल्या परुळे युवक कला, क्रीडा मंडळ या नोंदणीकृत संस्थेस सचिन देसाई यांच्याकडून ३० हजार रुपये किंमतीची डीमर पावर पॅक मशीन देण्यात आली. या मंडळाकडून दरवर्षी (कै.) अॅड. अभयकुमार देसाई स्मृती राज्यस्तरीय एकांकिका स्पर्धेचे आयोजन करण्यात येते. यंदाचे या स्पर्धेचे ३५ वे वर्ष आहे. या स्पर्धेसाठी प्रकाश योजनेकरिता या मशीनची उणीव भासत होती ही गरज ओळखून मंडळाच्या विनंतीस मान देऊन देसाई यांनी त्यांचे वडील (कै.) दामोदर तथा नाना देसाई यांच्या स्मरणार्थ ही मशीन दिली आहे. मंगळवारी (ता. ३०) झालेल्या स्वरवसंत गायन स्पर्धेच्या निमित्ताने ही मशीन मान्यवरांच्या उपस्थितीत देसाई यांनी मंडळाकडे सुपूर्द केली. देसाई हे गेल्या अनेक वर्षांपासून या एकांकिका स्पर्धेचे बक्षीस दाते आहेत. यंदा २ ते ५ जानेवारी या कालावधीत ही स्पर्धा श्री देव आदिनारायण मंदिर येथे होणार आहे.