मिरजोळीच्या सरपंचपदी विनोद पवार बिनविरोध

-ratchl१०५.jpg -
२६O१६७९४
चिपळूण ः सरपंच विनोद पवार यांना निवडीचे पत्र देताना निवासी नायब तहसीलदार मोरे
----
मिरजोळी सरपंचपदी विनोद पवार
सकाळ वृत्तसेवा
चिपळूण, ता. १० ः तालुक्यातील मिरजोळीचे सरपंच कासम दलवाई यांचे निधन झाल्याने या पदासाठीची पोटनिवडणूक शुक्रवारी (ता.९) घेण्यात आली. त्यामध्ये माजी उपसरपंच व विद्यमान सदस्य विनोद पवार यांची सरपंचपदी बिनविरोध निवड करण्यात आली.
सरपंचपदाचा कालावधी संपायला अवघा दीड महिना बाकी असताना सरपंच कासम दलवाई यांचे आकस्मिक निधन झाले. त्यामुळे रिक्त झालेल्या पदासाठी नुकतीच पोटनिवडणूक घेण्यात आली. मिरजोळीत सरपंचपदाची पोटनिवडणूक घेण्याची सूचना जिल्हाधिकाऱ्यांनी दिली होती. त्यानुसार मिरजोळी ग्रामपंचायतीत शुक्रवारी (ता. ९) दुपारी विशेष सभा घेण्यात आली. या सभेतच सरपंचपदाची निवड करण्यात आली. सरपंचपदाचे आरक्षण हे सर्वसाधारण प्रवर्गासाठी राखीव होते. निवडीवेळी विनोद पवार यांचा एकमेव अर्ज दाखल झाल्याने त्यांची सरपंचपदी बिनविरोध निवड करण्यात आली. ही निवडणूक महसूल नायब तहसीलदार वाल्मीकी मोरे यांच्या उपस्थित पार पडली. ग्रामविकास अधिकारी रोहिदास हांगे यांनी पवार यांना सरपंच म्हणून जाहीर केले. या वेळी ग्रामपंचायत सदस्य माधुरी सकपाळ, वृषाली कदम, संदीप जाधव, कर्मचारी जितेंद्र पवार, नीरज मोहिते, करिष्मा पवार, श्रद्धा पवार, सृष्टी पवार, प्रतिभा पवार आदी उपस्थित होते.