गोपाळ चौकेकरांना पुरस्कार जाहीर

17206

गोपाळ चौकेकरांना
पुरस्कार जाहीर
ओरोस ः बॅ. नाथ पै सेवांगण कट्टा या संस्थेच्यावतीने कट्ट्याचे ज्येष्ठ स्वातंत्र्यसैनिक बापूभाई शिरोडकर यांच्या स्मृति प्रित्यर्थ देण्यात येणारा आदर्श समाजसेवक पुरस्कार यावर्षी चौके गावचे सुपुत्र गोपाळ चौकेकर यांना जाहीर झाला आहे. शनिवारी (ता.१७) सकाळी १० वाजता भ. ता. चव्हाण महाराष्ट्र माध्यमिक विद्यालय चौकेच्या सभागृहात चौके पंचक्रोशी शिक्षण प्रसारक मंडळ मुंबई स्थानिक समिती अध्यक्ष बिजेंद्र गावडे, सदाशिव गावडे, स. का. पाटील सिंधुदुर्ग महाविद्यालय मालवण सहयोगी प्राध्यापक डॉ. सुमेधा नाईक यांचे प्रमुख उपस्थितीत प्रदान करण्यात येणार आहे.
बॅ. नाथ पै सेवांगणचा पुरस्काराचे हे २५ वे वर्ष असून या अगोदर डॉ. दादासाहेब वराडकर, कॅप्टन रामकृष्ण गावडे, व्ही. व्ही. प्रभू , संगीता आकेरकर, राणे बाई, प्रभाकर वाईरकर, आदींना हा पुरस्कार मिळाला आहे. या कार्यक्रमास उपस्थित राहाण्याचे आवाहन बापू तळावडेकर, वैष्णवी लाड, शाम पावसकर, किशोर शिरोडकर, दीपक भोगटे, विकास म्हाडगुत यांनी केले आहे.