स्वामी विवेकानंद, राजमाता जिजाऊंना देवगडमध्ये वंदन

स्वामी विवेकानंद,
राजमाता जिजाऊंना
देवगडमध्ये वंदन
देवगड ः येथील तहसील कार्यालयात राजमाता जिजाऊ व स्वामी विवेकानंद यांना जयंतीदिनी अभिवादन करण्यात आले. तहसीलदार आर. जे. पवार यांनी प्रतिमेला पुष्पहार अर्पण केला. या कार्यक्रमाच्या निमित्ताने तहसीलदार पवार यांना तलाठी पदापासून तहसीलदार पदापर्यंतचा सुमारे ३६ वर्षांच्या अखंड सेवा प्रवासाबद्दल गौरवण्यात आले. यावेळी महसूल सेवक प्रदीप कदम यांनी राजमाता जिजाऊ यांच्याविषयी मार्गदर्शन करून पवार यांच्या सेवाकार्याचे कौतुक केले. सहायक महसूल अधिकारी संदीप हंगे यांनी जिजाऊ व विवेकानंद यांच्याबद्दल माहिती दिली. या कार्यक्रमाचे औचित्य साधून तहसीलदार पवार यांच्या कालखंड यशस्वीरित्या पूर्ण होत असल्याने विविध मान्य पुष्पगुच्छ देत त्यांना शुभेच्छा देण्यात आल्या. यावेळी निवासी नायब तहसीलदार विवेक शेठ, पुरवठा अधिकारी श्री. गुट्टे तसेच महसूल कर्मचारी उपस्थित होते.