''चिमणी पाखरे'' प्रशाळेला मूल्यांकन प्रमाणपत्र प्रदान

swt1320.jpg
17501
कुडाळ ः चिमणी पाखरे स्कूलच्या संचालिका साक्षी बिर्जे मान्यवरांच्या हस्ते मूल्यांकन प्रमाणपत्र स्वीकारताना.

‘चिमणी पाखरे’ प्रशाळेला
मूल्यांकन प्रमाणपत्र प्रदान
सकाळ वृत्तसेवा
कुडाळ, ता. १४ः येथील चिमणी पाखरे प्री प्रायमरी स्कूलचा मूल्यांकन प्रमाणपत्र प्रदान झाला. तालुक्यातील ही पहिली मूल्यांकन प्राप्त शाळा ठरली आहे. भौतिक सुविधांची उपलब्धता, शिक्षक प्रशिक्षण, अध्यापन पद्धती, शैक्षणिक गुणवत्ता अशा विविध निकषाच्या मूल्यांकनावर हे प्रमाणपत्र वितरित करण्यात आले आहे. यामुळे नवीन शैक्षणिक धोरणावर आधारित अभ्यासक्रम, स्कूल ॲप, शिक्षक प्रशिक्षण अशा विविध सुविधांचा लाभ या शाळेला घेता येणार आहे. या कार्यक्रमास पूर्व प्राथमिक शाळा मान्यता परिषद इंडियाचे पदाधिकारी डॉ. हर्षित पटेल, डॉ. राजेश मोहतुरे, आदित्य बिसेन, जिल्हा समन्वयक रुपाली कदम उपस्थित होते. प्रास्ताविक संचालिका साक्षी बिर्जे यांनी केले. सूत्रसंचालन सहशिक्षिका रोशनी पटेल यांनी केले. योगा, खेळ, नृत्य, गॅदरिंग, सहल आदी उपक्रमांची दखल घेऊन शाळेला हा सन्मान प्रदान करण्यात आला. या अगोदरही ‘चिमणी पाखरे’चा गौरव झालेला आहे.