कणकवली : अभियांत्रिकी यश

फोटो : kan145.jpg
O17799

इलेक्ट्रिकल परीक्षेत कणकवली अभियांत्रिकीचे यश
कणकवली, ता. १४ : मुंबई विद्यापीठाच्या अंतर्गत २०२५-२६ या शैक्षणिक वर्षासाठी झालेल्या बी.ई. इलेक्ट्रिकल परीक्षेत कणकवली इंजिनिअरिंग कॉलेजच्या इलेक्ट्रिकल विभागाने उज्‍वल यश संपादन केले आहे. या परीक्षेत दर्पण पाटील, मसुरे (मालवण) याने मुंबई विद्यापीठात प्रथम क्रमांक तसेच इन्स्टिट्यूट रँक १ पटकावला. समृद्धी सावंत भोसले, सावंतवाडी हिने मुंबई विद्यापीठ रँक ३ आणि इन्स्टिट्यूट रँक २ मिळवला. दिप्ती भोगन, माजगाव (सावंतवाडी) हिने मुंबई विद्यापीठ रँक ८ आणि इन्स्टिट्यूट रँक ३ मिळवून यशात भर घातली. याखेरीज विठोबा परब (तरंदळे, कणकवली), प्राची इंदुलकर (पावस, रत्नागिरी), प्रतीक पाल्येकर (वजराट, वेंगुर्ला) आणि विष्णू वेजरे (माजगाव, सावंतवाडी) यांनीही मुंबई विद्यापीठात संयुक्‍तपणे ९ वा क्रमांक आणि इन्स्टिट्यूटचा ४ था रँक प्राप्त केला. या यशाबद्दल विद्यार्थ्यांचे अभियांत्रिकी महाविद्यालयाचे संस्थापक नारायण राणे, अध्यक्षा नीलम राणे, उपाध्यक्ष निलेश राणे, सचिव नितेश राणे तसेच प्राचार्य श्री.बाडकर यांनी अभिनंदन केले आहे.