-राजापुरात अवघे तीनच अर्ज दाखल

राजापुरात अवघे तीनच अर्ज दाखल
आज शेवटचा दिवस ; १८ जागांसाठी निवडणूक
सकाळ वृत्तसेवा
राजापूर, ता. २० ः जिल्हा परिषद आणि पंचायत समिती निवडणुकीसाठी उमेदवारी अर्ज दाखल करण्याला अवघा एक दिवसाचा कालावधी शिल्लक असताना तालुक्यामध्ये केवळ तीन उमेदवारी अर्ज दाखल झाले आहेत. पेंडखळे आणि कातळी अशा पंचायत समिती गणातून हे उमेदवारी अर्ज अपक्ष म्हणून मनसेचे माजी तालुकाध्यक्ष सुनील जठार यांनी दाखल केले आहेत. जिल्हा परिषदेसाठी अद्याप एकही उमेदवारी अर्ज दाखल झालेला नाही. तालुक्यामध्ये जिल्हा परिषदेचे सहा गट आणि पंचायत समितीचे बारा गण असे मिळून अठरा जागांसाठी होत असलेल्या लढतीसाठी बुधवारी (ता. २१) शेवटच्या दिवशी उमेदवारी अर्ज दाखल करण्याला इच्छुकांची झुंबड उडणार आहे. या निवडणुकीसाठी आज एकाच दिवशी तब्बल ३५ उमेदवारी अर्ज वितरित झाले असून, आजपर्यंत तब्बल १४५ उमेदवारी अर्ज वितरित झाल्याची माहिती निवडणूक विभागाकडून देण्यात आली. उमेदवारी अर्ज दाखल करण्याला एक दिवस शिल्लक असताना आज पंचायत समितीसाठी तीन उमेदवारी अर्ज दाखल झाले आहेत.

.