ज्ञानदीप

ज्ञानदीप सोसायटीने गाठले
पाच हजार कोटींचे उद्दिष्ट
पुणे, ता. १० ः राज्यातील अग्रेसर सहकारी संस्था ज्ञानदीप को-ऑपरेटिव्ह क्रेडिट सोसायटीने ३१ मार्चअखेर पाच हजार ५५५ कोटी रुपयांच्या ठेवी आणि कर्ज व्यवसायाचे उद्दिष्ट गाठले असल्याची माहिती संस्थापक, अध्यक्ष विश्‍वनाथ पवार यांनी दिली.
आर्थिक वर्षात संस्थेच्या ठेवी व कर्जामध्ये भरीव वाढ झाली आहे. ३१ मार्चअखेर एकूण ठेवी तीन हजार १८० कोटी व कर्जे दोन हजार ३७५ कोटी रुपये झाली आहेत. तसेच थकबाकी प्रमाण ४.७० टक्के व निव्वळ एन.पी.ए. चे प्रमाण शून्य टक्के आहे. त्यामुळे २०२२-२३ या आर्थिक वर्षासाठी निश्‍चित केलेले उद्दिष्ट पूर्ण करण्यात संस्थेला यश प्राप्त झाले असल्याचे उपाध्यक्ष एकनाथ जगताप यांनी सांगितले. संचालक मंडळाने परिस्थितीनुरूप घेतलेले निर्णय, कर्मचारी व प्रतिनिधी यांचे विभागनिहाय अधिवेशन, कर्मचारी व प्रतिनिधींना सातत्याने दिलेले प्रशिक्षण अशा विविध उपक्रमांच्या माध्यमातून व्यवसायवृद्धी झाल्याचे सचिव चंद्रकांत ढमाळ यांनी सांगितले. ‘ज्ञानदीप’च्या संपूर्ण महाराष्ट्रात ११० शाखा असून ८८४ कर्मचारी व १२६५ दैनंदिन ठेव प्रतिनिधी कार्यरत आहेत.