पाली - मुसळधार पावसामुळे मंगळवारी (ता.19) दुपारी वाकण पाली खोपोली राज्य महामार्गावरील पाली अंबा नदी पुलाच्या जोडरस्त्यावर सखल भागात पाणी भरल्याने दोन्ही बाजूची वाहतूक बंद झाली. परिणामी प्रवासी व वाहक चालक यांचे हाल झाले..सतत सुरु असलेल्या पावसामुळे पाली पोलीस ठाणे हद्दीतील अंबा नदीवरील पाली वाकण खोपोली राज्य महामार्गावर उन्हेरे व पाली जवळ अंबा नदीची पातळी वाढली असल्या कारणाने पुलाच्या दोन्ही बाजूस मुख्य रोडवर पाणी भरले. त्यामुळे वाकण बाजूकडे व खोपोली बाजूकडे जाणारी वाहतूक बंद झाली. दोन्ही बाजूला पोलिसांनी बॅरिगेट्स टाकून वाहतूक थांबवली. जून महिन्याच्या 19 तारखेला देखील मुसळधार पावसामुळे पुलाच्या दोन्ही बाजूने पाणी गेल्याने या मार्गावरील वाहतूक बंद होती..पूल झाला पण उपयोग शून्यअंबा नदीवर उंच व रुंद असा मोठा पूल बांधण्यात आला आहे. या आधी अंबा नदीवरील जुना पूल हा अरुंद व उंचीने छोटा होता. तसेच त्याची क्षमता देखील कमी होती. त्यामुळे दरवर्षी पावसाळ्यात या पुलावरून पाणी जाऊन प्रचंड प्रमाणात वाहतूक कोंडी व वाहतूक ठप्प होत होती..नवीन रुंद व उंच पूल बांधल्यामुळे ही समस्या संपुष्ठात येऊन पावसाळ्यात वाहतूक सुरळीत राहील, अशी अपेक्षा सर्वसामान्य जनतेला व प्रवाशांना होती. मात्र घडले भलतेच, नवीन मोठा व रुंद पूल झाला मात्र त्याच्या दोन्ही बाजूचा जोडरस्ता हा खाली असल्यामुळे अंबा नदीचे पाणी आता पुलावरून पाणी न जाता या दोन्ही बाजूच्या रस्त्यावरून वाहते व साचत आहे..परिणामी दोन्ही बाजूची वाहतूक ठप्प होत आहे. एमएसआरडीसी प्रशासनाने या दोन्ही बाजूला मोरी टाकणे किंवा उंच रस्ता करणे गरजेचे होते. मात्र तसे न झाल्यामुळे हकनाक प्रवास्नींव नागरिकांना त्रासाला सामोरे जावे लागत आहे..खुश्कीचा मार्ग पण त्रासदायकवाकण पाली खोपोली राज्य महामार्ग मुंबई गोवा राष्ट्रीय महामार्गाला जोडतो. तसेच दक्षिण कोकणातून पुणे व मुंबईला मुंबई-पुणे द्रुतगतीमार्गाने जाणारे प्रवाशी व वाहने याच मार्गावरून जातात. हा मार्ग सुस्थितीत असल्यामुळे अनेक प्रवासी व वाहने याचा वापर करतात. मात्र पाली अंबा नदी पूल झाला असूनही पुलाच्या दोन्ही सखल बाजूला पाणी साचल्यामुळे प्रवासी व वाहने दोन्ही बाजूस अडकून पडतात व त्यांची गैरसोय होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.