क्रोएशिया विश्‍वकरंडकासाठी पात्र 

Croatia qualify for World Cup with Greece draw
Croatia qualify for World Cup with Greece draw

पिराएयूस : क्रोएशियाने प्ले-ऑफ लढतीच्या परतीच्या लढतीत ग्रीसला गोलशून्य बरोबरीत रोखून विश्‍वकरंडक स्पर्धेच्या मुख्य फेरीत प्रवेश केला. त्यांनी प्ले-ऑफ लढत 4-1 अशी जिंकली. 

झ्लाटको डेलिच यांच्या मार्गदर्शनाखाली क्रोएशिया संघ आता पाचव्यांदा विश्‍वकरंडक स्पर्धेत खेळेल. क्रोशियाने पदार्पण केल्यापासून ते केवळ 2010 मध्ये मुख्य स्पर्धेसाठी अपात्र ठरले होते. डॅलिच यांनी गेल्याच महिन्यात संघाचे प्रशिक्षकपद स्वीकारले होते. अँटे सॅसिच यांची हकालपट्टी करून त्यांची नियुक्ती करण्यात आली होती. पहिल्या लढतीत 1-0 असा विजय मिळविला असता, तर आम्हाला हा सामना कठीण गेला असता. त्यामुळे पहिल्या लढतीत मिळविलेला मोठा विजयच निर्णायक ठरला, असे मत डॅलिच यानी व्यक्त केले. 

स्वित्झर्लंडही मुख्य फेरीत 
बासेल येथील सामन्यात स्वित्झर्लंडनेही प्ले-ऑफच्या परतीच्या लढतीत नॉर्दन आयर्लंडला गोलशून्य बरोबरीत रोखून विश्‍वकरंडक स्पर्धेच्या मुख्य फेरीत प्रवेश मिळविला. स्वित्झर्लंडने पहिल्या फेरीत रविवारी नॉर्दन आयर्लंडवर 1-0 असा विजय मिळविला होता. याच सरासरीवर त्यांनी मुख्य फेरीत प्रवेश केला. स्वित्झर्लंड सलग चौथ्यांदा मुख्य स्पर्धेत खेळेल, तर नॉर्दन आयर्लंड 1986 नंतर प्रथमच मुख्य स्पर्धेसाठी अपात्र ठरले.
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com