- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
| एकेटरिंगबर्ग, ता. 21 : विश्‍वकरंडक फुटबॉल स्पर्धेत फ्रान्सकडून गोल करणारा सर्वांत लहान खेळाडू ठरलेल्या क्‍येलिंन एमबाप्पेच्या शानदार खेळाने फ्रान्सने पेरूचा 1-0 असा पराभव केला आणि विश्‍वकरंडक स्पर्धेची बाद फेरी निश्‍चित केली. या पराभवामुळे पेरूचे आव्हान संपुष्टात आले. मॅंचेस्टर युनायटेडइतकाच फ्रान्सचा संघ आक्रमणात ताकदवर समजला जातो. संभाव्य विजेतेपदाच्याही ते शर्यतीत आहेत. जर्मनी, अर्जेंटिना आणि ब्राझील हे बलाढ्य संघ अडखळत असताना फ्रान्सने मात्र सलग दोन सामने जिंकून यजमान रशियाप्रमाणे लय मिळवली आहे. आजच्या सामन्यात पेरूकडून खरं तर चांगली सुरवात झाली होती; परंतु 34 व्या मिनिटाला एमबाप्पेने गोल केला आणि सामन्याचे चित्र बदलत गेले. मात्र पेरूचा खेळ तोडीस तोड होता. चेंडूवरील नियंत्रण आणि पासेसमधील तफावत फार मोठी नव्हती; परंतु पेरूच्या स्ट्रायकरना ऐनवेळी गोलजाळ्याचा वेध घेता येत नव्हता, ही कोंडी फोडण्यासाठी पेरूच्या प्रशिक्षकांनी अखेरच्या क्षणी काही खेळाडूही बदलले; परंतु त्यांचे दैव बदलले नाही. दोन्ही साखळी सामन्यांत अखेर त्यांना एकही गोल करता आला नाही. या तुलनेत एमबाप्पेने मिळवून दिलेली आघाडी कायम राखण्यावर फ्रान्सने भर दिला. - फ्रान्सचे यापूर्वीचे जगज्जेतेपद 1998 मध्ये. त्यानंतर जन्मलेल्या एमबाप्पे याचा गोल. - एमबाप्पे याचे वय 19 वर्षे सहा महिने. विश्‍वकरंडकात गोल करणारा फ्रान्सचा सर्वांत लहान खेळाडू. - फ्रान्स विश्‍वकरंडकातील दक्षिण अमेरिकन संघाविरुद्धच्या सलग नऊ लढतींत अपराजित. - आंतरराष्ट्रीय सामन्यांचे शतक केलेला ह्युगो लिऑन्स हा फ्रान्सचा सातवा खेळाडू. - विश्‍वकरंडकात विश्रांतीस आघाडीवर असताना फ्रान्स कधीही पराजित नाही, आता 21 सामन्यांत 20 विजय. |
|||
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.