इपोह (मलेशिया) : येथे आजपासून (शनिवार) सुरू झालेल्या सुलतान अझलन शाह हॉकी स्पर्धेच्या सलामीच्या ब्रिटनविरुद्धच्या सामन्यात भारताला 2-2 अशा बरोबरीवर समाधान मानावे लागले. खराब वातावरणामुळे नियोजित वेळेपेक्षा दोन तास उशीरा हा सामना सुरू झाला.
भारताकडून या सामन्यात चांगली सुरवात झाली. आकाशदीपने 19 व्या मिनिटाला पेनल्टी कॉर्नरवर पहिला गोल केला. मात्र, पूर्वार्ध संपण्यासाठी काही क्षण राहिले असतानाच ब्रिटनकडून टॉम कार्सनने गोल करत बरोबरी साधली. यानंतर उत्तरार्धामध्ये 46 व्या मिनिटाला मनदीपसिंगने दुसरा गोल करत भारताला पुन्हा आघाडी मिळवून दिली. सामन्याच्या 53 व्या मिनिटाला ऍलन फॉरसिथने गोल केल्याने ब्रिटनने पुन्हा बरोबरी साधली.
सुलतान अझलन शाह हॉकी स्पर्धेचे यंदाचे 26 वे वर्ष आहे. या स्पर्धेत भारताला पाच वेळा विजतेपद मिळाले आहे. सध्या हॉकीच्या जागतिक क्रमवारीत सहाव्या स्थानी आहे. यंदाच्या स्पर्धेत भाग घेतलेल्या सहा संघांमध्ये भारताला दुसरे मानांकन आहे. गेल्या वर्षीही या स्पर्धेत भारत उपविजेता होता. गेल्या वर्षी अंतिम सामन्यात भारताला ऑस्ट्रेलियाकडून पराभव स्वीकारावा लागला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.