Suryakumar Yadav : सूर्यकुमासमोर मोठं आव्हान! डिव्हिलियर्सने दिला मोलाचा सल्ला

Suryakumar Yadav Ab de Villiers : भारताचा 360 डिग्री खेळाडू म्हणून नावारूपाला येणाऱ्या सूर्यकुमार यादवची चर्चा अचानक थंड झाली आहे. आयपीएलमध्ये चांगल्या धावा करणाऱ्या सूर्यकुमारला त्याचे भारताच्या कसोटी संघातील स्थान गमवावे लागले आहे. सूर्यकुमार यादव मर्यादित षटकांच्या क्रिकेटमध्ये आपल्या वैविध्यपूर्ण फटकेबाजीने सामन्याचा नूर एकहाती पालटतो. मात्र त्याच्या कामगिरीत सातत्य नसते.

याबाबतच दक्षिण आफ्रिकेचा माजी कर्णधार एबी डिव्हिलियर्स जिओ सिनेमाशी बोलताना म्हणाला की, 'त्याच्यासमोर कामगिरीत सातत्य राखण्याचे खूप मोठे आव्हान आहे. त्याला कसोटी क्रिकेटमध्ये कसं खेळायचं हे निश्चित करावं लागले. वनडे आणि टी 20 मध्ये देखील कोणती गोष्ट त्याच्यासाठी योग्य आहे हे ठरवावे लागेल. मला वाटते की मी जे काही म्हणतोय त्याची त्याला जाणीव आता झालेली आहे.'

डिव्हिलियर्स पुढे म्हणाला की, 'मी कधी जे फटके मारले नाहीत ते फटके सूर्यकुमार मारतोय हे खूप भारी आहे. तो ज्यावेळी फटकेबाजी सुरू करतो त्यावेळी त्याला पाहणे खूप चांगले वाटते. मला वाटते त्याला अजून खूप पल्ला गाठायचा आहे. तो अजून चांगली कामगिरी करू शकतो. तो भविष्यात यापेक्षाही चांगला क्रिकेटपटू होऊ शकतो. याबाबत मी खूप उत्सुकता आहे.

सूर्यकुमारने 48 टी 20 सामने खेळले आहेत. त्यात त्याने 46.52 च्या सरासरीने 1675 धावा केल्या. त्याचे स्ट्राईक रेट 175.76 इतके जबरदस्त आहेत. त्याने टी 20 मध्ये तीन शतके आणि 13 अर्धशतके ठोकली आहेत. मात्र त्याला वनडेमध्ये अशी कामगिरी करणे जमलेले नाही. तो 23 वनडे खेळला असून त्याला फक्त एक कसोटी सामना खेळायला मिळाला आहे.

(Sports Latest News)