Sri Lanka vs Pakistan : चर्चा बॅझबॉलची नाही तर पाकबॉलची! लंकेत मोठा धमाका, मालिकेवर पकड केली मजबूत

Sri Lanka vs Pakistan 2nd Test
Sri Lanka vs Pakistan 2nd Testesakal

Sri Lanka vs Pakistan 2nd Test : पाकिस्तानचा संघ सध्या श्रीलंका दौऱ्यावर असून कोलंबो येथे दुसरा कसोटी सामना खेळत आहे. सहसा श्रीलंकेत श्रीलंकेला पराभूत करणं तितकं सोपं नसतं. मात्र पाकिस्ताने पहिली कसोटी जिंकल्यानंतर दुसऱ्या कसोटीत देखील आपला दबदबा निर्माण केला आहे.

तिसऱ्या दिवस अखेर पाकिस्तानने पहिल्या डावात 5 बाद 563 धावांचा डोंगर उभा केला आहे. त्यांनी पहिल्या डावात 397 धावांची मोठी आघाडी घेतली असून अजून त्यांनी आपला पहिला डाव घोषित केलेला नाही.

Sri Lanka vs Pakistan 2nd Test
Yashasvi Jaiswal : पदार्पणातच यशस्वी जैसवालची रँकिंगमध्ये 11 स्थानांची उडी, रोहितही फायद्यात

पाकिस्तानने दुसऱ्या कसोटीत नाणेफेक जिंकून प्रथम फलंदाजी करणाऱ्या श्रीलंकेचा डाव 166 धावात गुंडाळला होता. त्यानंतर दुसरा दिवशी पासामुळे फारसा खेळ झाला नाही. मात्र तिसऱ्या दिवशी पाकिस्तानी फलंदाजांनी धमाकाच केला. पाकिस्तानचा सलामीवीर अब्दुल्ला शफिकने (Abdullah Shafique) 326 चेंडूत 201 धावांची द्विशतकी खेळी केली. शान मसूदने 51 तर सौद शकीलने 57 धावांची अर्धशतकी खेळी केली.

Sri Lanka vs Pakistan 2nd Test
IND vs PAK Jay Shah : सुरक्षा एजन्सीचा अहवाल येताच जय शहांनी दिल्लीत बोलावली तातडीची बैठक

मात्र सर्वात दमदार खेळी ही मधल्या फळीतील आगा सलमानने (Agha Salman) केली. त्याने फक्त 148 चेंडूत 132 धावांची नाबाद खेळी करत सलामीवीर शफिकसोबत पाचव्या विकेटसाठी 149 धावांची भागीदारी रचली.

या भागिदारीमुळे पाकिस्तानने 500 धावांच्या जवळपास पोहचला. यानंतर सलामीवीर शफिक बाद झाल्यानंतर सलमानने मोहम्मद रिझवानसोबत सहाव्या विकेटसाठी नाबाद 95 धावांची भागीदारी रचत पाकिस्तानला दिवसाचा खेळ संपेपर्यंत 563 धावांपर्यंत पोहचवले.

(Sports Latest News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com