Ajinkya Rahane : खेळपट्टीवर टिकून 'रहाणे' अजिंक्यनं दाखवून दिलं!

Ajinkya Rahane WTC Final 2023 Super batting Vs Australia : भारताचा अष्टपैलू खेळाडू अजिंक्य रहाणेनं ऑस्ट्रेलियन खेळपट्टीवर कशा प्रकारे फलंदाजी करायची असते हे दाखवून दिले आहे. जिथे रोहित शर्मा, विराट कोहली, चेतेश्वर पुजारा यांच्या सारख्या फलंदाजांनी नांग्या टाकल्या असताना रहाणेनं संघाची कमान सांभाळली. त्यानं एका बाजूनं लढा देत आपल्या खेळीनं भारतीय संघाला आदर देण्याचा मोठा प्रयत्न केला आहे.

आयपीएलचा सीझनही अजिंक्य रहाणेनं गाजवला. त्या लिग मध्ये त्यानं सीएसकेसाठी चांगली कामगिरी केली. रहाणे खरंतर वेगळ्या शैलीचा आणि धाटणीचा खेळाडू. तो फारसा त्याच्या आक्रमक खेळीसाठी ओळखला जात नाही. अशावेळी त्यानं आयपीएलमध्ये आपल्या खेळीनं चाहत्यांना जिंकून घेतले. ड्ब्ल्यु टी सीच्या फायनलमध्ये रहाणेनं केलेली खेळी ही अनेकांच्या डोळ्यांचे पारणे फेडणारी आहे. बऱ्याच दिवसांपासून रहाणेच्या बॅटमधून धावा येत नव्हत्या.

Also Read - Shivrajyabhishek Sohala : परकीय जलचरांना वेसण घालणारे एकमेव भारतीय राजे म्हणजे

ऑस्ट्रेलियाच्या विरोधातील फायनलमध्ये रहाणेनं आपण कशाप्रकारचे फलंदाज आहोत हे त्यानं दाखवून दिलं आहे. त्याला मोठी खेळी उभारण्यात यश आले आहे. यापूर्वी या दौऱ्यावर जाण्यापूर्वी तो यशस्वी होणार की नाही याविषयी वेगवेगळ्या प्रकारचे प्रश्न विचारले जात होते. आता मात्र त्या सगळ्या प्रश्नांवर रहाणेनं त्याच्या बॅटनं उत्तर दिलं आहे. उपहारापर्यत मिळालेल्या माहितीनुसार रहाणे ८९ धावांवर रहाणे नाबाद असल्याचे दिसून आले.

रहाणेला तितकीच मोलाची साथ ही शार्दुल ठाकूरनं दिली आहे. त्यानं नाबाद ३६ धावा करत खारीचा वाटा उचलला आहे. बाकीचे सगळे खेळाडू स्वस्तात माघारी जात असताना त्यात रहाणेच्या खेळीनं मात्र टीकाकारांची तोंड गप्प केली आहेत. ज्यांनी रहाणेला या दौऱ्यासाठी ट्रोल केले होते त्यांना रहाणेनं आपली क्षमता दाखवून दिली आहे.