Antim Panghal : कुस्तीपटू अंतिम पंघाल हिने रचला इतिहास! सलग दुसऱ्यांदा जिंकली वर्ल्ड चॅम्पियनशिप

भारताची महिला कुस्तीपटू अंतिम पंघाल हिने शुक्रवारी इतिहास रचला. अंतिम हिने २० वर्षांखालील जागतिक कुस्ती स्पर्धेतील ५३ किलो वजनी गटात विश्वविजेता होण्याचा मान संपादन केला. सलग दुसऱ्यांदा विश्वविजेती बनणारी भारताची पहिलीच महिला कुस्तीपटू ठरली, हे विशेष.

हरियानाच्या हिसार येथे वास्तव्याला असलेल्या अंतिम हिने युक्रेनच्या मारिया येफ्रेमोवा हिला ४-० असे पराभूत करीत पहिल्या स्थानावर झेप घेतली. अंतिम हिने अंतिम फेरीतच नव्हे, तर संपूर्ण स्पर्धेमध्ये वर्चस्व प्रस्थापित केले.

प्रतिस्पर्थ्यांना तिच्याविरुद्ध फक्त दोनच गुणांची कमाई करता आली. अंतिम हिने मागील वर्षी ज्युनियर जागतिक स्पर्धेमध्ये विजेता होण्याचा मान संपादन केला होता. अशी कामगिरी करणारी ती भारताची पहिलीच महिला खेळाडू ठरली होती.