Arjun Tendulkar Jemimah Rodrigues: "अंडर 12 ते आज..." अर्जुन तेंडुलकर सोबतच्या नात्याचा जेमिमाने केला मोठा खुलासा

Arjun Tendulkar and Jemimah Rodrigues : सध्या भारतीय संघात होत असलेल्या नवीन बदलांची बरीच चर्चा सुरू आहे. ज्यामध्ये संघात नवीन खेळाडूंना संधी देण्याचा मुद्दा सर्वात आधी येतो. त्यातच सोशल मीडियावर सध्या एका खेळाडूबद्दल टीम इंडियामध्ये पदार्पण करण्यासाठी सज्ज आहे अश्या अनेक चर्चा होत आहेत.

या खेळाडूबद्दल असे बोलले जात आहे की त्याला लवकरच टीम इंडियामध्ये संधी मिळू शकते. यासोबतच या खेळाडूचे जेमिमा रॉड्रिग्जसोबत खास नात असल्याची चर्चा सोशल मीडियावर सुरू आहे. चाहतेही भरभरून प्रतिक्रिया देत आहेत. हे प्रकरण काय आहे ते सविस्तर जाणून घेऊया.

अलीकडेच भारतीय महिला क्रिकेटर जेमिमा रॉड्रिग्सने तिच्या सोशल मीडियावर एक फोटो पोस्ट केला आहे. ज्यामध्ये तिने अर्जुन तेंडुलकरसोबतच्या तिच्या नात्याबद्दल खुलासा केला आहे. जेमिमा रॉड्रिग्सने या पोस्टमध्ये नमूद केले की, ती आणि अर्जुन तेंडुलकर दोघेही आता एक दशकाहून अधिक काळ एकत्र क्रिकेट खेळत आहेत.

जेमिमाने शेअर केलेल्या फोटोमध्ये दोन्ही खेळाडू एकत्र दिसत आहेत. त्यांच्यासोबत त्यांचे प्रशिक्षक प्रशांत शेट्टीही आहेत. जेमिमाचा हा फोटो शेअर करताना हा फोटो सोशल मीडियावर व्हायरल होऊ लागला. हा व्हायरल फोटो दोघांच्या मॅच प्रॅक्टिसनंतर काढण्यात आला आहे. इंस्टाग्रामवर अर्जुन तेंडुलकरसोबतचा एक फोटो शेअर करताना जेमिमा रॉड्रिग्जने कॅप्शनमध्ये लिहिले की, "अंडर-12 दिनों से लेकर अब तक… हम एक लंबा सफर तय कर चुके हैं।”.

दोन्ही खेळाडू सध्या त्यांच्या पुढच्या सामन्यासाठी जोरदार तयारी करत आहेत. आयपीएलमध्ये चमकदार कामगिरी केल्यानंतर अर्जुन टीम इंडियामध्ये पदार्पण करण्याची वाट पाहत आहे. मीडिया रिपोर्ट्सवरून असा दावा केला जात आहे की, त्याला आयर्लंडविरुद्धच्या टी20 मालिकेत संधी दिली जाऊ शकते. अर्जुनने आयपीएलमध्ये चमकदार कामगिरी करत 4 सामन्यात एकूण चार विकेट घेतल्या. जेमिमा रॉड्रिग्ज तिच्या आगामी सामन्यांसाठी जोरदार तयारी करत आहे.