Arshdeep Singh : चांगली बॉलिंग करणाऱ्या अर्शदीपवर एका कॅचमुळे भडकला रोहित | Sakal
sakal

बोलून बातमी शोधा

Arshdeep Singh India vs Pakistan Asia Cup 2022

Video : चांगली बॉलिंग करणाऱ्या अर्शदीपवर एका कॅचमुळे भडकला रोहित

India vs Pakistan Asia Cup 2022 : भारतीय संघाला पाकिस्तान विरुद्धच्या सामन्यात 5 गडी राखून पराभव स्वीकारावा लागला. दुबईत खेळल्या गेलेल्या या सामन्यात भारताने 7 गडी गमावून 181 धावा केल्या, प्रत्युत्तर पाकिस्तानने 5 विकेट गमावून 1 चेंडू शिल्लक असताना लक्ष्य गाठले. यष्टिरक्षक फलंदाज मोहम्मद रिझवानने पाकिस्तानसाठी अप्रतिम खेळ दाखवत 51 चेंडूत 6 चौकार आणि 2 षटकार मारत 71 धावा केल्या. मात्र युवा वेगवान गोलंदाज अर्शदीप सिंगचा एक व्हिडिओ सोशल मीडियावर चांगलाच व्हायरल होत आहे. या सामन्यात त्याने आसिफ अलीचा एक सोपा झेल सोडला. हे पाहून कर्णधार रोहित शर्माही चांगलाच संतापला होता. (arshdeep singh catch dropped india loss game)

हेही वाचा: India vs Pakistan : पाकिस्तानने तब्बल 8 वर्षांनी भारताचा Asia Cup मध्ये केला पराभव

अर्शदीप सिंगने आसिफ अलीला एक सोपा झेल सोडताना जीवदान दिले. डावाच्या 18व्या षटकातील तिसऱ्या चेंडूवर आसिफने शॉट खेळला पण शॉर्ट थर्ड मॅनवर अर्शदीपने झेल सोडला. हे पाहून रोहित शर्मा चांगलाच संतापला. नंतर निराशेने त्याने डोके वर काढले. रोहितची ही प्रतिक्रिया सोशल मीडियावर व्हायरल झाली आहे. तेव्हा पाकिस्तानची धावसंख्या 4 गडी बाद 151 अशी होती. आसिफने 8 चेंडूत 16 धावा केल्या, ज्याला नंतर अर्शदीपने एलबीडब्ल्यू आऊट केले.

पहिल्यांदा खेळताना भारतीय संघाने 20 षटकात 7 विकेट गमावत 181 धावा केल्या. प्रत्युत्तरात पाकिस्तानने शेवटच्या षटकात लक्ष्याचा पाठलाग केला. पाकिस्तानकडून मोहम्मद नवाजने 20 चेंडूत 42 धावांची तुफानी खेळी खेळली. यादरम्यान त्याच्या बॅटने सहा चौकार आणि दोन षटकार मारले.

Web Title: Arshdeep Singh Catch Dropped India Loss Game Rohit Sharma India Vs Pakistan Super 4 Match Asia Cup 2022 Sports Cricket

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..