AUS vs ENG : रुटचं अर्धशतक अन् पॅट कमिन्सची हवा; बाकी सगळे... | Sakal
sakal

बोलून बातमी शोधा

AUS vs ENG
AUS vs ENG : रुटचं अर्धशतक अन् पॅट कमिन्सची हवा; बाकी सगळे...

AUS vs ENG : रुटचं अर्धशतक अन् पॅट कमिन्सची हवा; बाकी सगळे...

Ashes 2021 Australia vs England 3rd Test Day 1 : ऑस्ट्रेलिया आणि इंग्लंड यांच्यातील पाच सामन्यांच्या मालिकेतील तिसरा कसोटी सामना मेलबर्न क्रिकेट ग्राउंडवर खेळवण्यात येत आहे. ऑस्ट्रेलियाचा कर्णधार पॅट कमिन्सनं नाणेफेक जिंकून पहिल्यांदा गोलंदाजी करण्याचा निर्णय घेतलाय. आपला निर्णय सार्थ करण्यासाठी त्याने स्वत: दमदार गोलंदाजी करत पुन्हा एकदा पाहुण्या इंग्लंड संघाला बॅकफूटवर ढकलले आहे. डावातील दुसऱ्याच षटकातील पाचव्या चेंडूवर हसीब हमीदच्या रुपात (Haseeb Hameed) पॅट कमिन्सनं (Pat Cummins) इंग्लंडला पहिला धक्का दिला. काही अंतराने दुसऱ्या सलामीवीरालाही पॅट कमिन्सनंच माघारी धाडले. झॅक क्राव्ले Zak Crawley 12 धावांची भर घालून तंबूत परतला.

दुसरी विकेट पडली त्यावेळी इंग्लंडच्या धावफलकावर अवघ्या 13 धावा होत्या. यातील 12 धावा या क्राव्लेनं केल्या होत्या. डेविड मलान (Dawid Malan) आणि जो रुट (Joe Root ) यांनी संघाचा डाव सावरण्याचा प्रयत्न केला. या जोडीनं तिसऱ्या विकेटसाठी 47 धावांची भागीदारी रचली. ही जोडी संघाला ट्रॅकवर घेऊन जातेय असत चित्र निर्माण होत असताना पॅट कमिन्सनं पुन्हा एक घाव घातला. त्याने डेविड मलानला 14 धावांवर माघारी धाडले. दुसऱ्या बाजूला इंग्लंडचा कर्णधार जो रुटनं अर्धशतक पूर्ण केले. पण त्यानंतर स्टार्कने त्याला तंबूचा रस्ता दाखवत सामन्यातील पहिले यश मिळवले. रुटनं 82 चेंडूत 50 धावांची खेळी केली. बेन स्टोक्स आणि जॉनी बेयरस्ट्रो या जोडीने 33 धावांची भागीदारी करत संघाचा डाव सावरण्याचा प्रयत्न केला. लायनने बेन स्टोक्सच्या संयमी खेळीला लगाम लावला. त्याने स्टोक्सला 25 धावांवर तंबूत धाडले. 115 धावांत इंग्लंडचा अर्धा संघ तंबूत परतला होता.

हेही वाचा: पांड्यानं शेअर केला नताशासोबतचा फोटो; नेटकऱ्यांना दिसली गूड न्यूज

ऑस्ट्रेलियाने घरच्या मैदानात इंग्लंडची अवस्था बिकट केली आहे. पहिल्या आणि दुसऱ्या कसोटीसह त्यांनी मालिकेवर तगडी पक्कड मिळवलीये. तिसरा कसोटी सामना जिंकून मालिका जिंकण्याच्या इराद्याने ऑस्ट्रेलियन संघ मैदानात उतरला आहे. तिसऱ्या कसोटीत पुन्हा एकदा इंग्लंड बॅकफूटवर असून पुन्हा एकदा ते अडचणीत सापडले आहेत. डेविड मलान आणि रुटशिवाय इंग्लंडच्या अन्य फलंदाजांना नावाला साजेसा खेळ करण्यात सातत्याने अपयश आले असून ही गोष्टच इंग्लंडच्या संघाला गोत्यात आणणारी ठरलीये.

हेही वाचा: IND vs PAK : शेवटपर्यंत थरार; मोक्यावर चौका मारुन पाक विजयी

Web Title: Ashes 2021 Australia Vs England 3rd Test Day 1 Live Cricket Record Updates

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top