Ben Stokes MS Dhoni : सीएसकेच्या 'भावी' कर्णधाराचा धोनीलाच धोबीपछाड; तिसऱ्या अ‍ॅशेस कसोटीत असं काय घडलं?

Ashes Series Ben Stokes MS Dhoni
Ashes Series Ben Stokes MS Dhoni esakal

Ashes Series Ben Stokes MS Dhoni : तिसऱ्या अ‍ॅशेस कसोटीत इंग्लंडने ऑस्ट्रेलियाचा 3 विकेट्स राखून पराभव केला. या विजयाबरोबरच 2 - 0 असा पिछाडीवर पडलेल्या इंग्लंडने मालिकेतील आपले आव्हान कायम ठेवले. आता मालिका 2 - 1 अशी आली आहे. लीड्सवरील तिसऱ्या अ‍ॅशेस कसोटीत ऑस्ट्रेलियाने इंग्लंडसमोर विजयासाठी 251 धावांचे आव्हान ठेवले. (Ben Stokes Record)

इंग्लंडने हे आव्हान तीन विकेट्स राखून पार करत मालिकेतील पहिला विजय मिळवला. इंग्लंडच्या विजयात कर्णधार बेन स्टोक्सने देखील मोलाचे योगदान दिले आहे. त्याने पहिल्या डावात 80 धावांची आणि दुसऱ्या डावात 13 धावांची खेळी केली. स्टोक्सच्या नेतृत्वातील इंग्लंडने चौथ्या डावात 251 धावा चेस केल्यानंतर कर्णधार म्हणून स्टोक्सने महेंद्रसिंह धोनीचे एक मोठे रेकॉर्ड मोडले. (MS Dhoni Test Record)

Ashes Series Ben Stokes MS Dhoni
Sunil Gavaskar: 'तुझ्याकडून ही अपेक्षा नव्हती...', रोहित-द्रविडच्या कामगिरीवर गावसकरांनी खरडपट्टी काढत घेतली शाळा

इंग्लंडच्या हॅरी ब्रुकने दुसऱ्या डावात केलेल्या 77 धावांच्या खेळीच्या जोरावर इंग्लंडने 251 धावांचे आव्हान 7 फलंदाजांच्या मोबदल्यात पार केले. इंग्लंडने 251 धावांचे आव्हान पार केल्यानंतर बेन स्टोक्सने भारताचा माजी कर्णधार एमएस धोनीचे मोठे रेकॉर्ड मोडले. स्टोक्सच्या नेतृत्वाखाली इंग्लंडने तब्बल पाचव्यांदा 251 धावांचा पाठलाग करत कसोटी जिंकली आहे.

कसोटी क्रिकेटमध्ये चौथ्या डावात 250 पेक्षा जास्त धावा चेस करण्याचा विक्रम हा यापूर्वी महेंद्रसिंह धोनीच्या नेतृत्वाखालील भारतीय संघाच्या नावावर होता. धोनीच्या नेतृत्वातील भारतीय संघाने 4 वेळा चौथ्या डावात 250 धावांपेक्षा जास्त धावा चेस केल्या होत्या. (Ashes Series 2023 Records)

250 पेक्षा जास्त धावा चेस करून सर्वाधिक विजय मिळवणारा कर्णधार :

बेन स्टोक्स - 5

एमएमस धोनी - 5

ब्रायन लारा, रिकी पाँटिंग - 3

Ashes Series Ben Stokes MS Dhoni
IND vs WI : टीम इंडियाला वेस्ट इंडिज दौऱ्यावर 'या' खेळाडूची उणीव भासणार, निवडकर्त्यांनी संपवली कारकीर्द!

अ‍ॅशेस मालिकेत 2 - 0 अशा पिछाडीवर पडलेल्या इंग्लंडने तिसऱ्या कसोटीत विजय मिळवून आपले आव्हान कायम ठेवले. स्टोक्स या विजयामुळे आनंदी झाला असून तो म्हणाला की, 'अजून एक अटी-तटीचा सामना. सामना जिंकून आम्ही आव्हान जिवंत ठेवल्याने आनंद झाला आहे.'

'नाणेफेक जिंकली आम्ही पहिल्यांदा फलंदाजीही करू शकलो असतो मात्र आम्ही गोलंदाजी करण्याचा निर्णय घेतला. खेळपट्टी चांगली होती. मिचेल मार्शने चांगली फलंदाजी करत सामना जिवंत ठेवला. आऊटफिल्ड फास्ट होती. आमच्याकडे वूड आणि वोक्स होते.'

'आम्ही निवडलेल्या संघाने सामन्यावर छाप पाडली. आम्हाला हे खेळाडू सामन्यावर कसा प्रभाव पाडू शकतात हे पहायचं होतं. मला वोक्सने खूप दिवसांपासून कसोटी क्रिकेट खेळलेला नाही याची जाणीव नव्हती. मात्र त्याने सातत्यपूर्ण कामगिरी केली. आठव्या क्रमांकावर त्याच्यासारखी फलंदाजी करणार कोणी असणे यामुळे आम्हाला मदत झाली. ज्यावेळी तो पुढचा सामना खेळले त्यावेळी देखील तो अशीच कामगिरी करेल अशी आशा आहे.'

(Cricket Latest News)

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com