Asia Cup 2023 : आशिया कपसाठी आणखी एका संघाची घोषणा! 'या' दिग्गज खेळाडूची संघात एन्ट्री

Asia Cup 2023 Afghanistan Squad Announced : यावर्षी आशिया कपचा थरार पाकिस्तान आणि श्रीलंका मध्ये रंगणार आहे. या स्पर्धेसाठी सर्वच संघ जोरदार तयारी करत आहेत कारण तीन दिवसांवर येऊन ठेपला आहे म्हणजेच 30 ऑगस्ट रोजी होणार आहे.

आता अफगाणिस्तान संघानेही आशिया कप स्पर्धेसाठी आपला संघाची घोषणा केला आहे. आता फक्त लंकेचा संघ राहिला आहे. अफगाणिस्तान व्यतिरिक्त पाकिस्तान, भारत, बांगलादेश आणि नेपाळ या देशांनी आधीच आपल्या संघाची घोषणा केले आहे.

करीम जनात आगामी आशिया कपमध्ये धमाका करण्यास उत्सुक असेल. या खेळाडूने एकदिवसीय संघात पुनरागमन करण्यासाठी 6 वर्षे वाट पाहिली आहे. डावखुरा फलंदाज हशमतुल्ला शाहिदी 30 ऑगस्ट ते 17 सप्टेंबर या कालावधीत पाकिस्तान आणि श्रीलंका येथे होणाऱ्या आशिया कप 2023 क्रिकेट स्पर्धेत अफगाणिस्तान संघाचे नेतृत्व करेल.

आशिया कप 2023 पाकिस्तान आणि श्रीलंकेच्या यजमानपदी 30 ऑगस्ट ते 17 सप्टेंबर दरम्यान खेळवला जाईल. या स्पर्धेत 6 संघ सहभागी होणार आहेत. एकूण 13 सामने खेळवले जाणार आहेत. आशिया कपमध्ये भारताव्यतिरिक्त पाकिस्तान, अफगाणिस्तान, बांगलादेश, श्रीलंका, नेपाळचा संघ सहभागी होणार आहे.

आशिया कप 2023 साठी अफगाणिस्तान संघ - हशमतुल्ला शाहिदी (कर्णधार), रहमानउल्लाह गुरबाज (यष्टीरक्षक), इकराम अलीखिल (यष्टीरक्षक), इब्राहिम झद्रान, रियाझ हसन, रहमत शाह, नजीबुल्ला झदरान, मोहम्मद नबी, करीम जनात, गुलबद्दीन नायब, रशीद खान, अब्दुल रहमान, शराफुद्दीन अश्रफ, मुजीब उर रहमान, नूर अहमद, मोहम्मद सलीम साफी, फजल हक फारुकी.