Asian Para Games 2023 : आशियाई पॅरा गेम्स 2023 मध्ये भारतीय खेळाडूंची विजयाची घौडदोड सुरु आहे. आज तिरंदाजी प्रकारात भारताने पहिले सुवर्णपदक जिंकले आहे. तिरंदाजीच्या कंपाऊंड ओपन मिश्र सांघिक स्पर्धेत राकेश कुमार आणि शीतल देवी यांनी सुवर्णपदक मिळवले आहे.
भारतीय जोडीने चीनच्या लिन आणि एई यांचा 151-149 असा पराभव करत सुवर्णपदक जिंकले. गुरुवारीच भारतीय खेळाडू तुलसीमाथी आणि अन्य चार खेळाडू सुवर्णपदकासाठी पात्र ठरले आहेत. नेमबाजी स्पर्धेतही अभिनवने कांस्यपदक तर गौतमीने रौप्यपदक पटकावले आहे.
गुरुवारी सकाळी भारतीय धावपटू सचिनने पहिले सुवर्ण जिंकून भारताला आघाडी मिळवून दिली. त्याने पुरुषांच्या शॉटपुट F46 स्पर्धेत सुवर्णपदक पटकावले. तर भारताच्या सिद्धार्थ बाबूने आशियाई पॅरा गेम्स 2023 मध्ये 50 मीटर रायफल प्रोन SH1 स्पर्धेत एक नवीन विक्रम नोंदवला आणि सुवर्णपदक जिंकले. सिद्धार्थ बाबूने 247.7 गुणांचा नवा विक्रम नोंदवत अंतिम फेरीत विजय मिळवला आहे. गुरुवारी सकाळपर्यंत भारतीय खेळाडूंनी 17 सुवर्ण, 20 रौप्य आणि 32 कांस्यपदके जिंकली आहेत.
भारताच्या निमिषा सुरेशने चीनमधील हांगझोऊ येथे महिलांच्या T47 लांब उडी स्पर्धेत सुवर्णपदक पटकावले. आतापर्यंत भारताने एकूण 17 सुवर्णपदके जिंकली आहेत. बुधवारी या स्पर्धेत निमिषा सुरेश चक्कनगुलपारंबिल हिने 5.15 मीटरची सर्वोत्तम उडी मारत सुवर्णपदक जिंकले.
दरम्यान, भारताच्या कीर्ती चौहानने याच स्पर्धेत 4.42 मीटर उडी घेत चौथे स्थान पटकावले आहे. आशियाई पॅरा गेम्स 2023 च्या महिलांच्या 1500 मीटर T11 स्पर्धेत रक्षिता राजूने सुवर्णपदक जिंकले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
