Marcus Stoinis Injury : भारत दौऱ्यापूर्वी ऑस्ट्रेलियाला मोठा धक्का, स्टोयनिस-वॉर्नर बाहेर

Australia vs New Zealand 3rd ODI David Warner Marcus Stoinis : ऑस्ट्रेलियाचे स्टार अष्टपैलू मार्कस स्टोयनिस आणि डेव्हिड वॉर्नर हे न्यूझीलंडविरुद्धच्या तिसऱ्या आणि शेवटच्या एकदिवसीय सामन्यातून बाहेर. डेव्हिड वॉर्नरला विश्रांती देण्यात आली आहे. त्याचवेळी स्टोयनिस दुखापतीमुळे या सामन्यातून बाहेर पडला आहे. जर स्टोयनिस वेळेत तंदुरुस्त झाला नाही तर तो भारताविरुद्धच्या टी-20 मालिकेतूनही बाहेर जाऊ शकतो. भारत दौऱ्यापूर्वी ऑस्ट्रेलियन संघासाठी हा मोठा धक्का असेल.

न्यूझीलंडविरुद्धच्या एकदिवसीय मालिकेतील दुसऱ्या सामन्यात मार्कस स्टोयनिसने फक्त सहा चेंडू खेळले. दुसऱ्या एकदिवसीय सामन्यात फक्त तीन ओव्हर टाकली. ऑस्ट्रेलियाने हा सामना 113 धावांनी जिंकला. न्यूझीलंडच्या डावाच्या 23व्या षटकात जिमी नीशमची विकेट घेतल्यानंतर स्टोयनिसने स्नायूंच्या दुखापतीमुळे मैदान सोडले आणि तो मैदानात परतला नाही. क्रिकेट ऑस्ट्रेलियाने सांगितले की, स्टोयनिसने पर्थमध्ये त्याच्या फिटनेसवर काम करत आहे. त्यानंतर ऑस्ट्रेलियाला 21 ते 26 सप्टेंबर दरम्यान तीन टी-20 सामन्यांसाठी भारत दौऱ्यावर जायचे आहे. या मालिकेपूर्वी स्टॉइनिसला तंदुरुस्त होण्यासाठी एक आठवडा आहे. वॉर्नरला दुखापत झालेली नाही.

ऑस्ट्रेलिया आणि न्यूझीलंड यांच्यातील मालिकेतील तिसर्‍या सामन्यात अॅरॉन फिंच शेवटच्या वेळी ऑस्ट्रेलियाच्या वनडे संघाचे नेतृत्व करणार आहे. त्याने एकदिवसीय क्रिकेटमधून निवृत्ती जाहीर केली आहे. या मालिकेनंतर ऑस्ट्रेलियन संघ भारतासाठी रवाना होईल. टी-20 मालिकेतही फिंच संघाचा कर्णधार असेल. त्याच्या नेतृत्वाखाली संघ 20 सप्टेंबरपासून मोहालीत मोहीम सुरू करणार आहे.

भारताविरुद्धच्या टी20 मालिकेसाठी ऑस्ट्रेलियाचा संघ

अ‍ॅरोन फिंच , पॅट कमिन्स, टीम डेव्हिड, अ‍ॅश्टन एगर, जोश हेझलवूड, जोस इंग्लिस, मिचेल मार्श, ग्लेन मॅक्सवेल, केन रिचर्डसन, स्टिव्ह स्मिथ, मिशेल स्टार्क, मार्कस स्टॉईनिस, मॅथ्यू वेड, डेव्हिड वॉर्नर, अ‍ॅडम झम्पा, कॅमेरून ग्रीन.