Australian Open:तारोने अँडी मरेची दुसऱ्याच फेरीत केली बॅग पॅक

मेलबर्न : ऑस्ट्रेलियन ओपनमध्ये (Australian Open) आज ( दि. २०) जपानचा जागतिक क्रमवारीत १२० व्या स्थानावर असणारा तारो डॅनियलने (Taro Daniel) तीनवेळा ग्रँडस्लॅम (Grand Slam) जिंकणाऱ्या अँड मरेला (Andy Murray) पराभवाचा धक्का दिला. तारोने दुसऱ्याच फेरीत अँडी मरेचा ६-४, ६-४, ६-४ असा पराभव केला. हा सामना २ तास ४८ मिनिटे सुरू होता. (Australian Open Taro Daniel Defeat 3 Grand Slam Winner Andy Murray in 2nd Round)

तिसऱ्याच गेममध्ये तारोने (Taro Daniel) मरेची सर्व्हिस ब्रेक करत ३ - १ अशी आघाडी घेतली. त्यानंतर मरेने झुंजार खेळ करत ३ -३ अशी बरोबरी केली. मात्र पुढच्याच गेममध्ये जपानच्या तारोने मरेची सर्व्हिस पुन्हा ब्रेक करत ४ -३ अशी आघाडी घेतली. अखेर त्याने पहिला सेट ६ - ४ असा जिंकला.

पहिल्या सेटमध्ये पिछाडीवर पडलेल्या मरेने (Andy Murray) दुसऱ्या सेटमध्ये २ -० अशी आघाडी घेत पुनरागमन करण्याचा प्रयत्न केला. मात्र तारोने पुन्हा मरेची सर्व्हिस ब्रेक करत २ - २ अशी बरोबरी केली. त्यानंतर तारोने दुसरा सेट देखील ६ - ४ फरकाने जिंकला. याचबरोबर तिसरा सेटही ६ - ४ असा जिंकत तारो डॅनियलने (Taro Daniel) तीन ग्रँडस्लॅम विजेत्या अँडी मरेचे ऑस्ट्रेलियन ओपनमधील आव्हान दुसऱ्या फेरीतच संपवले.