Mukesh Kumar : रिक्षा चालकाच्या मुलाला लागली आयपीएलची बंपर लॉटरी; 5.50 कोटीमध्ये झाला दिल्लीकर

Auto Driver Son Mukesh Kumar IPL 2023 : आयपीएल 2023 मिनी ऑक्शनमध्ये रिक्षा चालकाच्या मुलाचे नशिब उघडले आहे. बिहारच्या गोपालगंजमध्ये राहणाऱ्या मात्र पोटाची खळगी भरण्यासाठी कोलकाता गाठलेल्या मुकेश कुमारवर तब्बल 5.50 कोटी रूपयांची बोली लागली. मुकेशचे वडील रिक्षा चालवत होते. मात्र दुर्दैवाने गेल्या वर्षी त्यांचे निधन झाले.

मुळचा बिहारचा असलेल्या मुकेश कुमारचे आयुष्य खूप संघर्षमय होते. मात्र क्रिकेटच्या वेडाने त्याचे आयुष्यच बदलले. विशेष म्हणजे तो आयपीएल खेळण्यापूर्वीच भारतीय संघात निवडला गेला होता. आता आयपीएलमध्येही त्याला छप्पर फाड के बोली लागली. दिल्ली कॅपिटल्सने त्याला 5.50 कोटी रूपयाला खरेदी केले. मुकेशची बेस प्राईस 20 लाख होती. त्याला आपल्या बेस प्राईसच्या 28 पटीने जास्त रक्कम मिळाली आहे.

सैन्यात जाणार होता मुकेश

मुकेशला भारतीय आर्मीत जायचं होतं. त्याने यासाठी तीनवेळा प्रयत्न देखील केले. मात्र त्याच्या नशिबात क्रिकेट खेळून देशाची सेवा करणे होते. गरीबीत वाढलेला मुकेश त्याच्या 6 भावंडांसोबत राहत होते. त्याचे वडील कोलकात्यात रिक्षा चालवत होते. नंतर त्यांनी मुकेशलाही कोलकात्यात नोकरीसाठी बोलवून घेतलें. मात्र कोलकात्यात मुकेशचे मन क्रिकेटमध्ये रमले.

हेही वाचा : Love Jihad: प्रेमाला धर्म आहे...?