BWF World Championships: गतविजेत्याला आयुषचा धक्का; जागतिक अजिंक्यपद बॅडमिंटन

नवी दिल्ली: भारताचा युवा खेळाडू आयुष शेट्टी याने जागतिक अजिंक्यपद बॅडमिंटन स्पर्धेतील सलामीच्याच लढतीत खळबळ उडवली. त्याने या स्पर्धेचा गतविजेता व अव्वल मानांकित चीनच्या शी यू की याच्यावर तीन गेममध्ये रोमहर्षक विजय मिळवत पुढल्या फेरीमध्ये प्रवेश केला. भारतीय खेळाडूने एक तास व तेरा मिनिटांमध्ये विजयाला गवसणी घातली. महिला एकेरीमध्ये पाच वेळची पदकविजेती पी. व्ही. सिंधू हिनेही प्रतिस्पर्धी खेळाडूवर विजय संपादन करीत वाटचाल केली.